NOVEMBER 18-24
MASAMU 107-108
Kamina 7 niKulomba | Mazu Akutachikila (1 min.)
1. “Musakililenu Yehova, Muloña Himuwahi”
(10 min.)
Yehova natupulwishi kukaayi kaSatana neyi chochayipulwishiliyi aIsarela kufuma muBabiloni (Ms 107:1, 2; Kol 1:13, 14)
Kumusakilila Yehova kwatusañumunaña kumushimeka muchipompelu (Ms 107:31, 32; w07 4/15 20 ¶2)
Tunateli kwikala namuchima wakusakilila kuhitila mukutoñojoka chikupu hayilwilu yaYehova yakukeña (Ms 107:43; w15 1/15 9 ¶4)
2. Yuma Yalema yakuSpiritu
(10 min.)
Ms 108:9—Kwesekeja Mowabi ‘nacheña chaNzambi chakuwelelahu’ hela ‘nandehu yaNzambi yakuwelelahu,’ kwatalisha mudihi? (it-2 420 ¶4)
Yumanyi yalema yakuspiritu yimwawana mukutaña Bayibolu onu mulungu yimukutuleja?
3. Kutaña Bayibolu
(4 min.) Ms 107:1-28 (th kudiza 5)
4. Tachikenu Kuhanjeka
(3 min.) KUSHIMWINA WUNSAHU WAMUMPANJI. (lmd kudiza 1 chikuma 4)
5. Funtilenuku
(4 min.) KUSHIMWINA WUNSAHU WAMUMPANJI. Mulejenu chitwadizishaña antu Bayibolu, nawa mwinkenu kaadi yakulombelahu kudiza Bayibolu (lmd kudiza 9 chikuma 3)
6. Mpanji
(5 min.) ijwyp 90—Mutu: Nateli Kutondolwela Ñahi Yitoñojoka Yatama? (th kudiza 14)
Kamina 46
7. Twembaña Kulonda Tumusakilili Yehova
(15 min.) Kuhanjeka.
Hanyima yakwila Yehova namwini aIsarela afwili mutentu wawamashidika awaEjipitu añovu haKaluñalwiji Kachinana, antu jindi atiyili kuwaha atachikili kwimba. (Kwi 15:1-19) Amayala atumbwilili kamina kakaha. (Kwi 15:21) Yesu niakaKristu akusambila niwena amushimekeli Nzambi nakamina. (Mat 26:30; Kol 3:16) Twatwalekañahu kumwekesha kusakilila kudi Yehova kuhitila mukwimba hakupompa kwahachipompelu, kwanyanya nikwamaneni. Chakutalilahu, kamina kitunafumi tuhu nakwimba, “Tunakusakilili Yehova,” tunakimbi hakupompa kwetu kufuma tuhu mu 1966.
Muyisemwa yikwawu, amayala atiyaña nsonyi kwimba hadi antu amavulu. Amakwawu anateli kuleka kwimba muloña atoñojokaña nawu hiyakweti izu dadiwahiku. Hela chochu, twatela kwanukaña netu kwimba hakupompa kwetu himbadi yakudifukula. Kuloñesha kwaYehova kwazataña nañovu kulonda kuloñeshi tumina twatuwahi nakutusoneka nikutonda tumina twatelela twakuzatisha hakupompa hikupompa. Etu tukweti mudimu wapela—kwimbila hamu kulonda tumwekeshi kukeña nikusakilila kudi Tata yetu wamwiwulu.
Vumishenu VIDIYO Kuloñesha Kwetu Kunakuyilaku Hambidi—Chawaana Chakwimba, Chibalu 2. Kuhiñahu ihulenu izaza nenu:
Chumanyi chamwekeni mu 1944?
Amanakwetu muSiberia amwekesheli ñahi kusakilila kuhitila mukwimba tumina twaWanta?
Kwimba kwalemenadi nankashi kudi aYinsahu jaYehova?
8. Kudiza Bayibolu haChipompelu
(30 min.) bt kape. 18 ¶6-15