Tunakukeña Kaayi Kakawahi!
António Guterres nsoneki waUnited Nations, wahosheli nindi: “Tunakushakama mukaayi munenzali yihuñu.” Ninenu muneteji chumichi.
Nsañu yashimunañawu yenzala nansañu yakala yidi neyi:
Nyisoñu niyipupu
Wubanji wadimwekenaña
Wuzweñi ninzala
Kutamisha mpepela, iseki, menji nikutaata kweseki
Wubanji, madombu, nimajika kanwa
Majita
Mwamweni, tunakukeña kaayi kakawahi. Mukaayi mukekala:
Kubula kukata
Antu ejima akiñewa
Yakuda yayivulu
Ituña dakadi majilu
Wuñanji waloña
Kuwunda mukaayi kejima
Hanu dinu, tunatalishi mudihi neyi tuhosha hakaayi kakawahi?
Chumanyi chikamwekena kanu kaayi kitunakushakamamu?
Chumanyi chitwatela kwila hakwila tukashakami mukaayi kakawahi?
Yibaaba yidi mukanu Kaposhi Kakutalila yikushimuna ñakwilu yamuBayibolu yinateli kuyikundeja yanawa malwihu nimalwihu amakwawu.