CHIBALU 5
Wunkoli muBabiloni Nakushika kuKutuñulula Mpwembu yaYerusalema
Henohu adi muwunkoli muBabiloni, yikuhwelelu yawaIsarela ayitesheli kakavulu. A Shadaraki, niMeshaki niAbedinego ayumbilili muluteñi lwadiña nakubidima kesi, ilaña Nzambi wayipulwishili. Mukuhita kwampinji, chiyashindili Babiloni kudi aMediya nawaPeresi, Danyeli amuumbilili muwina wawanyitupa, ilaña Nzambi wamukiñili kuhitila mukujika kutunwa twawanyitupa.
Nkumininaku, mwanta wawaPeresi Kirusi wayilubwili aIsarela. Afuntili kumukala wawu hanyima yayaaka 70 kufuma hayisendeliwu muwunkoli muBabiloni. Chuma chatachi cheliliwu hafuntiliwu muYerusalema chadiña hikutachika kutuña tembeli yaYehova. Hela chochu, ayilumbu ayilekesheli mudimu wawu wakutuña. A Isarela amanishili kutuña tembeli mukamwihi nayaaka 22 hanyima yakufunta muYerusalema.
Kulondelahu, tukudiza kufunta kwaEzera muYerusalema nakuwahisha tembeli. Ichi chadiña mukuhita kwayaaka 47 hanyima yakumanisha kutuña tembeli. Chalondelelihu, yaaka 13 hanyima yalwendu lwaEzera, Nehemiya wayikwashiliku kutuñulula mpwembu yaYerusalema yahumukili. Chibalu CHAMUCHITANU chinasendi yaaka 152 yansañu yanyaka kushika nikulelu.