Wunateli Wilidi?
50 N̄ahi wunaken̄i kushakama haya nyaka mu Paradisa ya lubanzhi?
Kumana dizi yayivulu hazhahoshayi Nzambi. Esekaku kudiza kutan̄a Bayibolu.—Yowanu 17:3; Chimwekeshu 1:3
51 Dizi yayivulu hadi Yesu.—Kuhituluka 18:18, 19; Yowanu 3:16; Yililu 3:19-23
52 Esekaku kwila yuma yayiwahi hohu nawa movwahili Yehova.—Aroma 6:17, 18, 22
53 Anukaku, Yehova nindi bayi tuzhaha antuku.—Kwidika 20:13; 1 Yowanu 3:11, 12
54 Bayi tusendi yuma yahetawu kudi antu amakwawuku.—Kwidika 20:15; Aefwesesa 4:28
55 Iyala hatela kushakama nakukamama na mumbanda ku chin̄a neyi n̄odindi.—Kwidika 20:14, 17; 1 Atesalonika 4:3
56 Wunanuki ambanda an̄ahi Nzambi yetezhayi iyala kusumbula? Iyala ashakami na n̄odindi kuleha kudihi?—Kutachika 2:22, 24; Matewu 19:5, 6; 1 Akorinda 7:2, 10, 11
57 Anukaku, nawa, neyi twatela kudifukula hohu kudi Yehova.—Matewu 4:10; 1 Akorinda 8:6
58 Akishi niyifwanisha hiyinatweshi kutwikwashaku. Mulon̄a?—1 Akorinda 8:4
Komana chachiwahi kuhemba akishi?—Kuhituluka 27:15; 1 Yowanu 5:21
59 Mulon̄adi chichatamina kuzatisha nyisen̄u, mpashi, kuhon̄a hela wan̄a?—Kuhituluka 18:10-13; Chimwekeshu 21:8
60 An̄elu atama hela ademoni adikan̄ili kudi Nzambi. Azatishan̄a akatepa kulonda kuluwan̄esha antu.—Yililu 16:16
61 Twatela kulomba kudi Nzambi. Kulomba chalumbulula kuhosha na Nzambi, kumulezha netu tunaken̄i kumuzatila nakwihula wukwashi windi.—Afwilipi 4:6, 7
62 Twatela kovwahila Yesu nakusha chikuhwelelu chetu mudi yena.—Aheberu 5:9; Yowanu 3:16
63 Anukaku neyi wafwili kulonda atwamwini.—Aroma 5:8
64 Anukaku neyi Yesu hi Mwanta wetu wakaamonewan̄a. Twatela kumovwahila.—Afwilipi 2:9-11; Chimwekeshu 19:16
65 Yesu wahosheli nindi watela kulezhaku akwenu yuma yayiwahi yiwunakudiza nawa neyi ana akuken̄a kumukalakela Nzambi atela chin̄a ayipapatishi.—Matewu 28:19, 20; Yowanu 4:7-15
66 Ichi watela kulezhaku mabwambu zheyi yuma yayiwahi yeniyi.—Matewu 10:32
67 Neyi wudiza kutan̄a chiwahi, wukutwesha kudizilahu yuma yayivulu yikwawu nawa wukutwesha kukwashaku akwenu chachiwahi kubadikahu.—2 Timotewu 2:15
68 Yesu nawa watan̄ishili anyana anyanya kovwahila Nzambi. Hadin̄a wabula mpinji yakuhosha nawenaku.—Matewu 19:13-15
69 Anvwali atela kutan̄isha anyanawu mpinji yezhima kumovwahila Nzambi nikumuken̄a.—Kuhituluka 6:6, 7; Yishimu 6:20-22; Aefwesesa 6:4
70 Kudi zhichachi zhazhivulu zhambuzhoka. Ilan̄a kutan̄isha chawu hichafuma mu Bayiboluku. Yehova natwilezhi kushiya yipompelu yabulan̄a kufundisha walala.—Chimwekeshu 18:4; Yowanu 4:23, 24
71 Yehova wukweti antu hanu hamaseki anateli kukutan̄isha yayivulu hadi yena. Wayiluka?—Yililu 15:14; Aroma 10:14, 15
72 Hi Ayinsahu zha Yehova. Kuwunda chidi mukachi kawu. Ichi weluka mulon̄a? Mulon̄a aken̄a wumu namukwawu.—Isaya 43:10-12; Yowanu 13:34, 35
73 Mulon̄a niwena amuken̄a Yehova, ayipapatisha. Dichi chamwekeshan̄awu hatooka nawu anashiyi dehi yilwilu yawu yatama yawumi nawa anakufwila kuzatisha mawumi awu mukumukalakela Nzambi.—Yililu 2:41
74 Ayinsahu zha Yehova akuhwelela kushakama mu Paradisa yayiha yalubanzhi.—Masamu 37:9-11, 29
Wunatweshi kwiladi kulonda wukashakami nawu hamu muna?—Yakoba 1:22, 25; 2:20-26
75 Dinun̄ashani nawena mukudiza kukalakela Yehova. Aken̄a nawa ovwahilan̄a Yehova na Kristu Yesu. Eyi wayiken̄a? N̄ahi wunaken̄i kukwashaku achen̄i kumwiluka Nzambi?—Yowanu 6:45-47
76 Yehova na Kristu Yesu akuken̄a nawa anakuken̄a eyi wukashakami haya nyaka mu Paradisa.—Yowanu 3:16
Zhiwunadizi kufuma mukushinshika ha nyevulu na nsan̄u munaka ka mukanda yinakwilishi chikupu kufwila neyi wukalun̄i na wumi hamaseki haya nyaka. Neyi wunaken̄i kudiza yavulilaku, tunakulombi wuhoshi nawumu wa Ayinsahu zha Yehova mumwekalila. Hela, wunateli kusoneka, hela wumu akusonekeliku, ku ofesi yekalisha kwakwihi na kuwashakama, neyi chiyanamwekeshiwu ha zhikeyala zhidi ha peji yamuchiyedi munaka ka mukanda.