Kudiza 1

Muwunatweshi Kwilukila Chaken̂an̂ayi Nzambi

Himazunyi alema ekala mu Bayibolu?(1)

Hinyi nsoneki ya Bayibolu? (2)

Mulon̂anyi watela kudizila Bayibolu? (3)

1. Bayibolu hichawana chawuseya kufuma kudi Nzambi. Yidi neyi mukanda wakufuma kudi invwali wukweti kuken̂a kudi anyanindi. Yatulejan̂a chalala hadi Nzambi—ochu chekalayi ni chaken̂an̂ayi. Yalumbululan̂a chakuzata namakabi ni chakuwana muzan̂alu walala. Bayibolu nkawayu diyu yatulejan̂a chitwatela kwila hakumuzan̂alesha Nzambi.—Masamu 1:1-3; Isaya 48:17, 18.

2. Bayibolu ayisonekeli kudi antu ambokamboka 40 mukuleha kwa yaka yakushika ku 1,600, kutachika mu 1513 B.C.E.a Yatun̂ewa nanyikanda yanyanya 66. Owu asonekeli Bayibolu ayoneneni kudi Nzambi. Asonekeli mwaton̂ojokelen̂ayi, bayi aweniku. Komana Nzambi wamwiwulu diyi Nsoneki ya Bayibolu, bayi antu ahamasekiku.—2 Timotewu 3:16, 17; 2 Petulu 1:20, 21.

3. Nzambi washinshikili nindi Bayibolu anayituntululi choloka na kuyihemba. MaBayibolu amavulu anasonekewi kuhitakana hadi mukanda wudi wejima. Himuntu wudi wenjima wukwikala namuzan̂alu hakumona eyi wunakudiza Bayiboluku, ilan̂a ochu bayi chikukan̂eshaku. Wumi weyi wahaya nyaka washindamena hakumwiluka Nzambi nikuzata mwayila kuken̂a kwindi, hela tuhu kudi kudimbulula kudi kwenjima.—Matewu 5:10-12; Yowanu 17:3.

[Tumazu twaheshina]