CHIBALU 7

Indi Yesu Wadiñanyi?

Yehova wamutemesheli Yesu hamaseki. 1 Yowanu 4:9

Yesu nashakami kuchikasha chaNzambi chachidilu mwiwulu

Neyi tunakukeña kumuzañalesha Yehova, twatela kutiyilila muntu mukwawu walema. Kunyaka, henohu Adama kanda amuleñi, Yehova waleñeli muntu wakuspiritu wañovu mwiwulu.

Hampinji yidiyi Mariya nevumu nihampinji yinavwalikiyi Yesu

Chimwahitili mpinji, Yehova watemesheli muntu yeniwu nakuvwalikila muBetelemi kudi mumbanda mujiki wejina daMariya. Iwu mwana amutumbili ijina nawu Yesu.—Yowanu 6:38.

Yesu nakuyitañisha antu kulonda amwiluki Yehova

Chadiñayi hamaseki, Yesu wamwekesheli yililu yaNzambi. Wadiña naluwi, wakeñeli antu nawa wadiña wakasunuka. Walejeleña antu chalala chakadi woma nindi amwiluki Yehova.

Yesu wakoñeli yuma yayiwahi ilaña antu amuheleli. 1 Petulu 2:21-24

Yesu nasañuli kansi wamumbanda nawa namuuki iwu iyala wakata

Anlomboli jansakililu amuheleli Yesu muloña wafuñunwineña ntañishilu yawu yakutwamba niyuma yatama yakoñeleñawu.

Yesu wokileña akata nawa wasañwili antu amakwawu afwili.

Anlomboli jansakililu ayishinjilili Aroma nawu amuhumpuli Yesu nikumujaha.