Watchtower LAYIBULALI YAHAINTANETI
Watchtower
LAYIBULALI YAHAINTANETI
Lunda
  • BAYIBOLU
  • NYIKANDA
  • KUPOMPA
  • jy kapetulu 32 ifu 78-ifu 79 para. 7
  • Chumanyi Chetejewa haSabata?

Vidiyo yimwatonda hosi.

Atwanakeniku mwani, vidiyo yakañanya kwenzunuka.

  • Chumanyi Chetejewa haSabata?
  • Yesu—Diyi Njila, Chalala, niWumi
  • Nsañu Yinadifwani
  • Kukotola Tidiku haSabata
    Yesu—Diyi Njila, Chalala, niWumi
  • Kuuka haSabata
    Chihandilu niMudimu Wanetu AkwaKristu—Mukanda Wakupompa—2018
  • Kwekala Mpinji Yakuzata niMpinji Yakunooka
    Kaposhi Kakutalila Kanakubidika Wanta WaNzambi (Kakudiza)—2019
Yesu—Diyi Njila, Chalala, niWumi
jy kapetulu 32 ifu 78-ifu 79 para. 7
Yesu nakukeña kuuka iyala walepa chikasa

KAPETULU 32

Chumanyi Chetejewa Hasabata?

MATEWU 12:9-14 MAKU 3:1-6 LUKA 6:6-11

  • KUMUUKA CHIKASA HASABATA

HaSabata yikwawu, Yesu nayi musinagogi, hadaha muÑaliliya. Kweniku nawani iyala walepa chikasa. (Luka 6:6) Ansoneki nawaFwarisi anakumushinshika chikupu Yesu. Muloñadi? Anamwekeshi yuma yidi mumuchima wawu chinamwihuliwu nawu: “Komana nshimbi yeteja kuuka haSabata?”—Matewu 12:10.

Anlomboli jawaYudeya eluka nawu muntu nateli kuumuka hohu haSabata chiña neyi wumi wudi muwubanji. Dichi, chakutalilahu, haSabata chetejewa wanyi munshimbi kukotola ifwa hela kunuña ifwa, chikatu chinateli kubula kufwilahu muntu. Mwamweni awa ansoneki niaFwarisi anakumwihula Yesu bayi neyi anakumutiyila luwi iwu iyala wunakukabakanaku. Anakukeña hohu kuwana hakumwinkela Yesu muloña.

Hela chochu, Yesu neluki yuma yinakutoñojokawu. Neluki nindi anakumona chambuka nachahosha nsona kutalisha hakukaanisha kuzata nyidimu haSabata. (Kwidika 20:8-10) Amwinkahu dehi cheñi muloña wakuzata nyidimu yayiwahi. Dichi, chumichi chinamukwashi Yesu kwinza nakumuleja iwu iyala wakata kalepa nindi: “Nyamukaku winzi hakachi.”—Maku 3:3.

Nabalumukili kudi ansoneki nawaFwarisi nakuyileja nindi: “Neyi wukweti mukoku wumu nawa owu mukoku aholokela mwibuku haSabata, hinyi hakachi kenu wukubula kumukwata nakumufumisha mwibuku?” (Matewu 12:11) Mukoku himali, dichi hiyakumulekela mwibuku sampu niifuku dikwawuku; kuchina wakamba kafwa nawa kwosi chuma chakuwaninamuku. Kafwampi, Nsona jahosha nawu: “Muntu waloña wahembaña chiwahi yimuna yindi.”—Yishimu 12:10.

Kuzatisha iyi nsañu Yesu natwalekihu nindi: “Muntu walema chikupu kubadika mukoku. Dichi chetejewa munshimbi kwila chuma chachiwahi haSabata.” (Matewu 12:12) Yesu hatela kufumpa nshimbi yaSabata neyi amuuka muntuku. Anlomboli jakwitiya anakañanyi kutoñojoka haniyi nsañu, kulonda amoni hakuhanina muloña. Anakumini dakumwenahu.

Nazuwi nawa natiyi kutama nayitoñojoka yawu yaheña, Yesu nakutalatala. Nkumininaku, namuleji iwu iyala nindi: “Ololaku chikasa cheyi.” (Matewu 12:13) Iwu iyala chinololiyi chikasa chindi chalepa, nashikeni dakukola. Nazañalili nankashi, indi antu anakumukwatila kafuta Yesu anatiyi ñahi?

Anlomboli jakwitiya awaYudeya anakukeña kumujaha Yesu

Chatela azañalali nawu iwu iyala anamuuki chikasa chindi, aFwarisi anayi nawa anamushakamini hampuña “hamu nawakakumulondela Herodi kulonda amujahi [Yesu].” (Maku 3:6) Idi izanvu dachiyuulu munadibombeli izanvu dawantu amukwitiya atenañawu nawu aSadusi. Kafwampi, aSadusi nawaFwarisi atiyañanaña wanyi, ilaña ichi anakutiyañana muloña wejima wawu anakudikaña naYesu.

  • Chumanyi chinamwekani chinaleteshi akulumpi jakwitiya awaYudeya amwinki Yesu muloña?

  • Anlomboli jakwitiya awaYudeya akweti yitoñojokanyi yaluwa kutalisha haSabata?

  • Yesu nololi ñahi yitoñojoka yawu yaluwa kutalisha haSabata?

    Lunda Publications (2006-2025)
    Fumenumu
    Iñulenu
    • Lunda
    • Inkenuhu akwenu
    • Hakusetiñila
    • Copyright © 2025 Watch Tower Bible and Tract Society of Pennsylvania
    • Nshimbi Jakulondela
    • Nshimbi Jakujinda
    • Privacy Settings
    • JW.ORG
    • Iñulenu
    Inkenuhu akwenu