KUDIZA 15

Kuhosha Chakufuma haMuchima

1 Atesalonika 1:5

CHIKUMA: Mwekeshenu nenu nsañu yimunakuhosha yalala nawa yalema.

Loñeshenu chikupu. Hitulukenu munoyu nsañu sampu munatiyi chikuma chidi muNsona nenu chinahanuki chikupu. Esekenu kuhosha yikuma yamaneni yidi mumpanji yenu kuzatisha mazu apela nawa antesha. Shenu muchima hachiyinateli kukwasha antiyilili jenu. Lombenu spiritu yajila.

Hitulukenumu nezu dahewulu mumpanji yenu kulonda mwiluki nsañu yejima nawa mumoni himunateli kuwahisha.
Zatishenu mazu akushika antu hanyichima. Chatela mutañeña mazu anasonekiwu, zatishenu mazu enu. Zatishenu mazu akumwekesha nawu muneluki jimunakuhosha.
Hoshenu chakufuma hamuchima chikupu. Hoshenu nezu dashikila. Yitalenuña antu hamesu neyi hichikumwekesha kasawuntuku.

Hoshenu nsañu munjila yikuyikwasha kusenda chikuma ilaña yikubula kuyineñesha hela kuyikanjikija kulonda eteji. Hela neyi munakuhosha chakufuma hamuchima, hoshenu munjila yakukeña nawa yekoku.