KUDIZA 16
Kuhosha Munjila Yakukolesha
Yoba 16:5
CHIKUMA: Shenu muchima hayuma yikuyikwasha nawa yikuyisañumuna antiyilili jenu.
CHAKWILA:
Ikalenu nayitoñojoka yayiwahi hadi antiyilili jenu. Ilukenu nenu akwenu akakwitiya niwena anakukeña kumuzañalesha Yehova. Hela chakwila munakukeña kuyifumba, sambilenu kuyihameka chakufuma hamuchima muyuma yelañawu chiwahi.
Bayi musweja kuhosha hayuma yatamaku. Munateli hohu kuhosha hayuma yatama neyi yikuyikwasha antiyilili kusenda chikuma. Hakuhana mpanji, hoshenu munjila yakukolesha.
Zatishenu chiwahi Izu daNzambi. Hoshenu hayuma yelayi dehi Yehova, yinakwilayi niyakelilayi antu kumbidi. Yikwashenu antiyilili ekali namuchima wakuchiñeja niwakuhamuka.