Yesu Hinyi?

Yesu wekala hakachi kawantu ayili mpuhu nankashi kunyima. Hela chakwila antu amavulu amwiluka ijina, hiyeluka yuma yayivulu hadi yenaku. Nawa amavulu amwiluka Yesu munjila yamboka-mboka. Indi Bayibolu yamulumbulula nawudi?

1. Yesu hinyi?

Yesu hichileñaleña chakuspiritu chañovu chashakamaña mwiwulu. Diyi wadiña watachi kuleña kudi Yehova Nzambi henohu kanda aleñi yuma yejima. Dihafuma amuteneña nawu, “wedi wayileñaleña yejima.” (AKolosi 1:15) Bayibolu yamutenaña Yesu nawu ‘Mwana kaNzambi wumu hohu’ muloña Yesu hohu diyi aleñeliwu kudi Yehova yomwenindi. (Yowanu 3:16) Yesu wazatilili hamu naTata yindi, Yehova, nakumukwashaku kuleña yuma yejima. (Tañenu Yishimu 8:30.) Yesu natwalekihu kwikala nawubwambu wawuwahi naYehova. Himukakumuhoshelaku Nzambi washinshika, “Izu,” washimunaña nsañu ninshimbi Jindi.—Yowanu 1:14.

2. Yesu wenjililidi hamaseki?

Kwakwihi nayaaka 2,000 yinahitihu, Yehova wazatishili spiritu yindi yajila nakutuntulula wumi waYesu muchihayamisha kufuma mwiwulu nakuwuleta mwivumu dachañadima mujiki wejina daMariya. Ichi dichaletesheli Yesu avwaliki neyi muntu. (Tañenu Luka 1:34, 35.) Yesu wenjili hamaseki nakwikala Mesiya akaniniwu, hela Kristu, kulonda amwini antu.a Wuprofwetu wejima washimunawu muBayibolu wahosha hadi Mesiya washikijeweli kuhitila mudi yena, kulonda antu amwiluki Yesu nawu diyi “Kristu, Mwana kaNzambi wamumi.”—Matewu 16:16.

3. Chayinu mpinji Yesu wudi kudihi?

Chelili Yesu afwi namujimba wawuntu, amusañwili neyi chileñaleña chakuspiritu nawa wafuntili mwiwulu. Mwiwulu, “Nzambi wamutuumbakesheli nakumwinka chifulu chahewulu.” (AFwilipi 2:9) Ichi Yesu wudi nañovu chikupu, Yehova hohu diyi wamubadika ñovu.

4. Yesu hidiyi Nzambi Wañovu Jejimaku

Bayibolu yadizishaña nawu hela chakwila Yesu hichileñaleña chakuspiritu chañovu mwiwulu, wamwovwahilaña Nzambi nawa Tata yindi, Yehova. Tunahoshelidi mwenimu? Vumishenu VIDIYO kulonda mumoni chaambu chekala hakachi kaYesu naNzambi wañovu jejima.

VIDIYO: Komana Yesu Kristu hiNzambi? (3:22)

Iji nsona jinalondelihu jatukwashaña kwiluka wubwambu wekala hakachi kaYehova naYesu. Tañenu nsona-hinsona nawa hanjekenu hamalwihu adihu.

Tañenu Luka 1:30-32.

• Kañelu walumbulwilili ñahi wubwambu wekala hakachi kaYesu naYehova Nzambi, “Mukakubadika Chikupu”?

Tañenu Matewu 3:16, 17.

• Hampinji yamupapatishileñawu Yesu, izu dafumini mwiwulu dahosheleña nawudi?

• Munakutoñojoka nenu dadiñi izu danyi?

Tañenu Yowanu 14:28.

• Hinyi mukulumpi hakachi kawu nawa wasweja ñovu? Tata yawantu tahindi mwana?

• Yesu watalishili mudihi chamuteneniyi Yehova nindi Tata yindi?

Tañenu Yowanu 12:49.

• Komana Yesu watoñojokaña nindi yena naTata yindi ekala muntu yowumu? Mukuhoshahu nenudi?

5. Yesu wamwekesheli nindi diyi Mesiya

VIDIYO: Yesu Washikijili Wuprofwetu (3:03)

Tañenu wuprofwetu wamuBayibolu, kuhiñahu hanjekenu hamalwihu adihu:

Tañenu Mika 5:2 kulonda mwiluki kwiluña kwateneniwu nawu dikwakavwalikila Mesiya.b

• Komana kuvwalika kwaYesu kwashikijili wuprofwetu?—Matewu 2:1.

Tañenu Isamu 34:20 niZekariya 12:10 kulonda mutali nsañu yaprofweteliwu kutalisha hakufwa kwaMesiya.

• Komana iwu wuprofwetu washikijeweli?—Yowanu 19:33-37.

• Munakutoñojoka nenu Yesu diyi waletesheli iwu wuprofwetu wushikijewi?

• Iyi nsañu yinakuyidizishadi hadi Yesu?

YUMA YIMUNADIZI

Yesu hichileñaleña chakuspiritu chañovu. HiMwana kaNzambi nawa diyi Mesiya.

Kuhitulukamu

• Yesu amutenenañadi nawu “wedi wayileñaleña yejima”?

• Yesu welileñadi henohu kanda enzi hanu hamaseki?

• Tuneluki ñahi netu Yesu diyi Mesiya?

ILUKILENUHU NSAÑU YIKWAWU

Ilukilenuhu nsañu yikwawu hamudimu wukwetiyi Yesu wawuMesiya.

“Wuprofwetu Wahosha Hadi Mesiya Wamwekeshaña Nawu Mwamweni Yesu Wadiña Mesiya?” (Chibaaba chahaIntaneti)

Ilukenu neyi chakwila Bayibolu yadizishaña nawu Nzambi wamuvweli Yesu neyi chavwalañawu antu anyana.

“Yesu Amutenenañadi Nawu Mwana kaNzambi?” (Chibaaba chahaIntaneti)

Talenu ntañishilu yakwila nawu Nzambi wekala musatu chiyambukaku nachatañishaña Bayibolu.

“Komana Yesu hiNzambi?” (Kaposhi Kakutalila, April 1, 2009)

Tañenu kulonda mumoni chihandilu chamumbanda wumu chichahimpikili chelili asandujoli chahosha Bayibolu hadi Yesu.

“Umwanakashi UmuYuda Alondolola ico Ayalwilile Ifyo Asuminemo” (Loleni!, May 2013)