Ikalenu Ababala

Chishina: “Mazu enu mpinji yejima ekaleña amawahi.”—Kol. 4:6.

Chamwekesheliyi Pawulu Ichi Chilwilu

Kapostolu Pawulu nakuhanjeka nawantu amuAtenisi.

VIDIYO: Pawulu naKushimwina muAtenisi

1. Talenu VIDIYO, hela tañenu Yilwilu 17:22, 23. Kufumahu dihulenu awa malwihu:

Indi Pawulu watiyili ñahi chamweniyi antu anakudifukula munsakililu yakutwamba muAtenisi?—Talenu Yilwilu 17:16.
Chatela yatachiki kuyinka antu amuAtenisi nyiloña, indi Pawulu wazatishili ñahi mukubabala yuma yakuhweleleliwu kulonda yatachiki kuyileja nsañu yayiwahi?

Chumanyi Chitunakudizila Kudi Pawulu?

2. Antu akwikala nampwila yakutiya neyi tukusakulaña chiwahi mazu akuhosha, twiluka nichakuyihosha nihakuyihoshela.

Mufwanenu Pawulu

3. Sakulenu mazu amawahi. Chakutalilahu, neyi munakuhosha namuntu wakwila kwafumayi hiyakundama kudi akaKristuku, mwatela kuhimpa neyi himukuhosha nsañu yamuBayibolu hela neyi himukukeña kuhosha hadi Yesu.

4. Bayi munyakala kumuleja nenu naluwañeshiku. Mulekenu yahoshi yuma yelukayi chakadi kumukankañesha. Neyi yuma yinahoshiyi yinesekani wanyi nachahosha Bayibolu, kumutadikisha nehi. (Yak. 1:19) Mukwiluka chinakutoñojokayi neyi mutiya mukuhoshayi.—Yish. 20:5.

5. Itejenu nawa muhamekenu hayikuma yinahoshiyi.

Hadaha neluki chikupu nindi yuma yakuhwelelayi diyalumbwa. Kufumahu hoshenu hayuma yinahoshiyi yimwakuhwelela ninenu, nkumininaku dinu himukumukwasha chovu-chovu kulonda yeluki chahosha Bayibolu.

TALENU CHEÑI

Yish. 25:15; 2 Tim. 2:23-26; 1 Pet. 3:15