Ikalenu Ahamuka

Chamwekesheliyi Yesu Ichi Chilwilu

VIDIYO: Yesu Namufumbi Ona Nyuuli Samaheta waKansi

1. Talenu VIDIYO, hela tañenu Maku 10:​17-22. Kufumahu dihulenu awa malwihu:

1. Yilwilwinyi yayiwahi yatela yamweniyi Yesu mudi nyuuli wakansi?

2. Muloñadi Yesu chateleliyi kumwekesha kukeña nikuhamuka hakwila yamufumbi?

Chumanyi Chitunakudizila Kudi Yesu?

2. Neyi tunakuhosha nakadizi wetu, twatela kuhosha munjila yakukeña ilaña chakadi kuhita mumbadi kulonda tumukwashi yapami kuspiritu.

Mufwanenu Yesu

3. Mukwashenu kadizi wenu kwimika yikonkwanyi nikwilamu.

1. Zatishenu chibalu ‘chaYuma Yimukwila’ chidi mukudiza hikudiza mumukanda waMunateli Kwikala naMuzañalu Haya Nyaaka!

2. Mukwashenu kadizi yeluki yuma yatela kwilayi kulonda yelihu yuma yimu mukapinji kantesha niyakelayi hambidi.

3. Muhamekenuña kadizi wenu mpinji yejima hakupama kunakupamayi.

4. Hoshenu hakukala kukumukañesha, nawa mukwashenu yamanishi oku kukala.

1. Dihulenu nenu:

   • ‘Chineli kadizi wami hanakupama kulonda yapapatishewiku, chumanyi chinakumukañesha?’

   • ‘Nukumukwasha ñahi?’

2. Lombenu kuhamuka kulonda muhoshi nindi chachiwahi chakadi kuhita mumbadi hayuma yatela kwilayi.

5. Lekenu kudiza nawantu anakubula kupama.

1. Talenu neyi owu kadizi wenu nakupama kuhitila mukudihula nenu:

   • ‘Kadizi wami nakuzatisha yuma yinakudizayi?’

   • ‘Wenzaña kuchipompelu nakupompa nawa walejañaku antu chalala?’

   • ‘Neyi hanashimbuli kufuma himwatachikilili kudiza, kutala nakukeña kwikala Chinsahu chaYehova?’

2. Neyi kadizi hanakukeña kupamaku:

   • Mwihulenu ayileji yuma yinakumukañesha.

   • Hanjekenu nindi mukubabala chinaleteshi muleki kudiza nindi.

   • Mulejenu yuma yatela kwilayi neyi nakukeña kutachika cheñi kudiza.