MALWIHU AMUBAYIBOLU ANAYAKULI

Indi kufwa kwaYesu kwatukwashaña ñahi?

Nzambi chaleñeliyi antu, wakeñeleña nindi ashakameña hamaseki haya nyaka chakubula kukata nikufwa. Ilaña muntu watachi, Adama wadikañili naNleñi nawa wajimbesheli kukooleka kwakushakama haya nyaka. Chineli tudi anyana kaAdama, twaswana kufwa kufuma kudi yena. (Aroma 5:8, 12; 6:23) Nzambi walala Yehova, watemesheli Mwanindi Yesu hamaseki nakufwa kulonda yafuntishi chuma chajimbesheliyi Adama.—Tañenu Yowanu 3:16.

Kufwa kwaYesu kwaleñela atwanakeni nshidi jetu kulonda tukekali nawumi wahaya nyaka. Bayibolu yatulejaña chitwakashakamaña hamaseki hampinji yitukabulaña kushinakaja, kukata nikufwa.—Tañenu Isaya 25:8; 33:24; Chimwekeshu 21:4, 5.

Tunateli kwanakana ñahi kufwa kwaYesu?

Nawufuku henohu kanda yofwi, Yesu walejeli atumbanji twindi kwanakana kufwa kwindi kuhitila mukwila chawija. Kwanakana kufwa kwaYesu hachaaka hachaaka kwatukwashaña kutoñojoka hadi Yesu niYehova chayikeñawu antu nankashi.—Tañenu Luka 22:19, 20; 1 Yowanu 4:9, 10.

Chinu chaaka, Chanukishu chakufwa kwaYesu chikekalaku haChimu, haApril 14 hakuhuma kwetañwa. Tunayitambiki mwakenza nakwanakana hamu nawaYinsahu jaYehova amwiluña denu.—Tañenu Aroma 1:11, 12.

Neyi munakukeña nsañu yikwawu, talenu kapetulu 4 ni 5 kawunu mukanda wasonekawu kudi aYinsahu jaYehova

Loñololenu iwu mukanda ha www.jw.org

[Mwevulu wudi hefu 16]

Yesu wafwili kulonda antu akatambwili wumi wahaya nyaka. Mwatiyaña ñahi neyi mutoñojoka hansañu yakwikala nawumi wahaya nyaka hanu hamaseki?