Chawaananyi Chitunateli Kumwinka Yehova?

YESU wahosheli nindi: “Mukuhana mwekala muzañalu chikupu kubadika wekala mukutambwila.” (Yil. 20:35) Ichi chalala chashindamena hawubwambu wetu naYehova. Munjilanyi? Yehova watwinka yawaana yayivulu yatuzañaleshaña, ilaña tunateli kwikala namuzañalu chikupu neyi tumwinka Yehova chawaana. Chawaananyi chitunateli kumwinka yehova? Yishimu 3:9 yahosha nawu: “Mulemeshi Yehova nayuma yeyi.” “Yuma” yetu munabombeli mpinji yetu, waana wetu, ñovu yetu niyuma yitukweti. Neyi tuzatisha yumiyi hakutandisha kudifukula kwalala, dikwila nawu tunakumwinka Yehova chawaana nawa kwila mwenimu kwatuletelaña muzañalu nankashi.

Kwesekeja nayuma yakumujimba yitukweti, chumanyi chatela kutukwasha kubula kudiwula kumwinka Yehova chawaana? Kapostolu Pawulu walejeli aKorinda “kuhembahu yawaana hambadi” yakuhana. (1 Kor. 16:2) Munateli kwila ñahi neyi munakukeña kwiluka njila jakuhaninamu yawaana jekala mwiluña denu? Mwani talenu chikasha chidi heshina.

Bayi neyi mumatuña ejima azatishaña intaneti kuhana yawaanaku. Hela chochu, munateli kuwana nsañu yinakushimuna njila jikwawu jakuhaninamu yawaana hefu dakuhaninahu yawaana haintaneti. Mumatuña amakwawu munateli kuwana hanashimunuwu ñakwilu yamalwihu ehulañawu kutalisha hakuhana yawaana.