Mukanda Wunafumi kuMutayi

Kudi Akwakushimwina aWanta:

Chinamwekani hatooka to-o nawu antu jaYehova amwekeshaña kusakilila kubadika kuhosha hohu hakanwa. Kakweji waadi waApril, twashikili hachipimu chachiha chawakwakushimwina 140,203. Hamuloña wakuzata nañovu kwawa kwakushimwina aWanta ejima chaletesheli kuvulilaku kwakuha kwamaora, kuhana magazini, nikufuntila. Twatiyili muzañalu nankashi hakumona kuvula kwakadi kumonañahu dehi 231,420 kudiza kwaBayibolu kwalomboleweli.

Twatiyaña kuwaha nankashi hakumona amana kwetu amavulu amuLusaka anakuzatisha Itala daKupompelamu (Assembly Hall) kupompa kweneni nikwankambi. Itala dadiha daKupompelamu dinakutuñewa muKitwe, nawa wunloñeshelu wunakwenda chiwahi wakutuña Itala dikwawu muNdola.

Muyinu mpinji yinakala mali, wuseya wunakukandama chikupu wakutuña Itala daKupompelamu nimwakudizatishila. Dichi Izaza Dalombolaña ‘dinachindi wuseya’ nawa dinashimuni nawu chatela kutuña Matala Akupompelamu, maluña amakwawu akupompelamu kupompa kweneni nikwankambi akumini dakuyiwahisha. (Luka 14:28) Nkeñelu yidi yakutuña hohu matala amweseka atela kufwika yuma yapela yakutuña nachu nawa yawuseya wantesha.

Iwu mudimu wunakuzatewa nañovu wakunyamuna yuma yaWanta anakuwuhameka! Komana twatela kuchisha mukulomba netu Yehova yatwilishi wonsu wetu twikali nanyichima yakuhana mali akukwasha nachu muniwu mudimu mudinu ituña. (Yish. 3:9, 10) Yehova yatwalekuhu nakukiswila ñovu yetu yakuzatila hamu ‘hakuletesha kuhameka kwakuhameka kulema kwindi.’—Efwes. 1:12.

Yetu amana kwenu,

Kasanji kaMutayi wamuZambia