Mazu Akuhosha Hakuhana Magazini

Kaposhi Kakutalila Mar. 1

“Wonsu wetu tweluka netu Adama washakamini hadi mpinji yayilehi henohu mumbanda kanda amuleñi. Ichi chinakumwekesha nkeñelu yaNzambi yakwila nawu iyala watela kulombola nikwikala mutu. Indi iyala watela kumwekesha wumutu wamuchidinyi hetala? [Mulekenu yaakuli.] Iyi vasi yinahoshi hachuma chatela kutoñojokahu amayala. [Tañenu 1 Akorinda 11:3.] Iyi magazini yinalumbululi nawu chineli Kristu diyi mutu weyala, amayala atela kwimbujola chakutalilahu chindi.”

Awake! Feb.

“Komana mwatoñojokaña nenu iwu diwu muloña wutunakumwena makabi nankashi mukaayi? [Tañenu 1 Yowanu 5:19. Kufumahu mulekenu yaakuli.] Ichi chibaba chinakumwekesha chahosha Bayibolu kutalisha hayaaku ‘yanowu watama’ nichitwatela kutondolwela ñovu jindi jasweja”. Hoshenu hachibaba chinatachikili hefu 12.

Kaposhi Kakutalila Mar. 1

“Kwesekeja nachimwatoñojokaña, kukalanyi kwamonañawu anyana hakwovwahila anvwali jawu? [Mulekenu yaakuli.] Talenu Nsona chijinamwekeshi munjila yalema anyana chinateliwu kwovwahila, bayi kutoñojoka nawu akweti maana akudilombola awenuku. [Tañenu Luka 2:51, 52.] Iyi magazini yinakushimuna Yesu hela chakwila wadiña wamaninina, wahana chakutalilahu chachiwahi makonu kudi anyana ejima chakutalilahu chayomwenindi chakwovwahila anvwali jindi hampinji yadiñayi hanu hamaseki.”

Awake! Feb.

“Kwesekeja nachimwatoñojokaña, kukalanyi kunakumonawu anyana makonu? [Mulekenu yaakuli.] Iyi vasi yinakushimuna kukala kumu—kukala kwakwikala nawamabwambu amawahi. [Tañenu Yishimu 13:20.] Iyi magazini yinakuhosha hawubanji wakuzatisha Intaneti kulonda kuwana amabwambu nawa nichakukiña atwansi.”