Mazu Akuhosha Hakuhana Magazini

Kaposhi Kakutalila Sept. 1

“Wejima wetu tweluka netu yuma yatama yatachikili dehi kumwekana kufuma tuhu kushankulu. Hela tuhu anyuli awantu anakukañanya kuwana mwakumanishila kukala. Komana munakutoñojoka nenu tunateli kwikala netuña mwakadi yuma yatama? [Mulekenu yaakuli. Kuhiñahu tañenu Masamu 37:34.] Iyi magazini yinakushimuna nawu Nzambi wawuñaji hohu diyi wunateli kuleta ituña dadiwahi, muloña natweshi kufumishahu yuma yejima yaletaña kutama.”

Awake! Aug.

Neyi mudihumañana nakansi, munateli kuhosha nenu: “Atwansi amavulu adi neyi eyi atiyaña kutama nsañu yamatuñu. Komana chumichi chakumwekenahu dehi? [Mulekenu yaakuli.] Bayibolu yahanaña kufumba kwakuwahi kwatela kutukwasha neyi chakwila yetu anakutuñulawu. Cheñi nawa yatulejaña chitwatela kuleka matuñu atama.” Hoshenu hachibaba chinatachikili hefu 12, nawa tañenu nsona yimu yidi muchibaba.

Kaposhi Kakutalila Sept. 1

“Antu amavulu atoñojokaña nawu ‘muChitiyañenu Chachikulu’ mwekala nsañu yanyaka yatela kuyikwasha. Ilaña ajinokaña nawu kwiji nshimbi jekalamu jatela kuzatika makonu. Indenu mwatoñojokañahu ñahi? [Mulekenu yaakuli. Kuhiñahu tañenu Aroma 15:4.] Iyi magazini yinakushimuna Chitiyañenu Chachikulu’ chichahanaña nsañu yayiwahi yatela kutukwasha muchihandilu chetu chamafuku ejima nikuchiñeja kwalala kwakumbidi.”

Awake! Sept.

“Komana mwatoñojokaña nenu Nzambi diyi wakojejaña wubanji wadimwekenaña? [Mulekenu yaakuli. Kufumahu tañenu Kuhituluka 32:4.] Iyi magazini yinakushimuna muloña wunetejeliyi Nzambi wubanji wadimwekenaña kumwekana. Cheñi nawa yinalumbululi chakukiña chisaka chenu.”