Mazu Akuhosha Hakuhana Magazini

Kaposhi Kakutalila Oct. 1

“Komana mwatoñojokaña nenu twatela kudizilaku chuma kunsañu yahoshaña hadi Nzambi chatwalekelihu kwanakena antu amuneñesheleña Nzambi? [Mulekenu yaakuli.] Ichi chibaba, chinakuhosha hamukanda waHoseya chinakumwekesha nawu Nzambi wakeñaña kwanakena antu abalumukaña mumuchima chikupu. Kufwana Nzambi, ninetu twatela kumwekesha wushona niluwi kudi amakwawu.” Tañenu Hoseya 2:23.

Awake! Sept.

“Etu amavulu twakeñaña kwikala akola nikushakama yaaka yayivulu. Komana mwatoñojokaña nenu kwikala amuzañalu kunateli kuwahisha chihandilu chetu? [Mulekenu yaakuli. Kuhiñahu tañenu Yishimu 17:22.] Ichi chibaba chinakuhosha hakulema kwakwikala nachililu chakuchiñeja.” Hoshenu hachibaba chinatachikili hefu 26.

Kaposhi Kakutalila Oct. 1

“Komana mwaditoñeshahu dehi nenu, ‘mutenowu nelili ñana!’? [Mulekenu yaakuli.] Talenu chahoshaña iyi nsona chaleñelaña mpinji yikwawu wonsu wetu kwila yuma yikatuleñela kudishona kumbidi. [Tañenu Yeremiya 10:23.] Iyi magazini yinakushimuna kufumba kwakuwahi kwekala muBayibolu chikwatukwashaña kufuukula chachiwahi.”

Awake! Oct.

“Komana mwatoñojokaña nenu makonu anyana adi muwumbanji chikupu kubadika mpinji yakunyima? [Mulekenu yaakuli.] Amavulu atoñojokaña nawu tunakushakama mumafuku ashimunawu haniyi nsona. [Tañenu 2 Timotewu 3:1-5.] Iyi magazini yinakuhana jinjila jatela kuzatishawu anvwali hakwila akiñi anyanawu kudi ayivumbi.”