Mazu Akuhosha Hakuhana Magazini

Kaposhi Kakutalila June 1

“Antu amavulu ahoshaña nawu akuhwelela hohu yuma yinateli kumonawu. Komana ninenu mweteja chahoshañawu? [Mulekenu yaakuli. Kuhiñahu tañenu Aroma 1:20.] Iyi magazini yinakushimuna yililu yaNzambi yisatu yitunateli kumona namesu kuhitila muyuma yaleñayi nawa yinakuhosha hayililu yeniyi chiyinateli kutukwasha neyi tuyiluka.”

Awake! May

Tañenu Matewu 6:10. Kuhiñahu ihulenu nenu: “Komana mwatoñojokahu dehi hachuma chafuukwilayi Nzambi iseki? [Mulekenu yaakuli.] Kwesekeja nachahosha Bayibolu, kufumisha kutachi kudi chuma chafuukwililiyi Nzambi iseki nawa ayina nkeñelu hiyahimpaku. Ichi chibaba chinalumbululi.” Hoshenu hachibaba chinatachikili hefu 10.

Kaposhi Kakutalila June 1

“Nakukeña kwiluka chimwatoñojokaña kwesekeja nachahoshaña iyi nsona. [Tañenu Aroma 15:4.] Komana muneteji nenu yuma yamwekeni kunyima yinateli kutwikwasha makonu? [Mulekenu yaakuli.] Ichi chibaba chinakumwekesha nsañu yekala mumukanda waAroma chiyinateli kukolesha kuhameka kwetu kwañovu yekala Mwiizu daNzambi dasonekawu. Nawa izu daNzambi dikweti ñovu yakunuñañesha antu akunyuza yejima mukudifukula kwalala. Ichi chibaba chinakumwekesha cheñi chitwatela kuhetelamu hakudiza yakutalilahu yayuma yamwekeni kunyima.”

Awake! June

“Kulela mwana hichuma chakala sweje-e neyi mwana nashiki dehi muyaaka yawunkaña hela wukampululu nakuhimpa kwenzaña mukukula. Munatoñojoki nenu anvwali anateli kuwana wukwashu kudihi? [Mulekenu yaakuli. Kufumahu tañenu Isaya 48:17,18.] Iyi magazini yinakushimuna nsañu yakatataka yatela kukwasha anvwali kuzata munjila yamaana nikashinshi.”