Chakuhosha Hakuhana Magazini

Kaposhi Kakutalila

“Antu amavulu akañanyaña kumukuhwelela Nzambi wakukeña hamuloña wantañishilu yawu yakubabesha kwahaya nyaka. Mukutoñojokahu nenudi? [Mulekenu yakuli.] Bayibolu yatudizishaña hatooka to-o nawu Nzambi hafuntishaña katama nakatamaku. [Tañenu Ezekeli 18:23.] Mukuhameka hakwiluka chahosha Nsona muniyi magazini.”

Awake! Nov.

“Antu amavulu etejaña nawu yuma yayivulu yamukaluñalwiji anakuyimanisha mukunyakashana. Munakutoñojoka nenu, nfulumendi yinateli kumanisha iku kukala? [Mulekenu yakuli. Dichi tañenu Matewu 6:10.] Ichi chibaba chinakuhosha hachuma chaleñelaña kwakama ninjila mwatela kumanishilayi Nzambi iku kukala.” Hoshenu hachibaba chinatachikili hefu 20.

Kaposhi Kakutalila

“Komana, mwadihulahu dehi nenu, ambuña alala aNzambi anateli kuyilukila kunkahi? [Mulekenu yakuli, kuhiñahu tañenu 1 Yowanu 3:11] Kapostolu Yowanu washimwini yuma yitwatela kwila hakwikala anyana kaNzambi. Yuma yasonekeliyi yinakumwekesha cheñi muloña wutwatela kumwekeshela kukeña nichikuhwelelu mpinji yejima. [Mwekeshenu mafu hadi ‘Yikuma Yamaneni Kufuma muMukanda waYowanu niYuda’] Mukudiza yuma yalema muniyi nyikanda yayihi yamuBayibolu, Yowanu niYuda.”

Awake! Dec.

“Hayaaka yayivulu antu atoñojokaña hanilu lwihu. [Tañenu lwihu ludi hewulu.] Kudihi kumunatoñojoki kutwatela kuwana ñakwilu yayiwahi? [Mulekenu yakuli.] Talenu muloña wutwakeñelaña Nzambi kutwakula. [Tañenu Masamu 100:3.] Iyi magazini yinakumwekesha Bayibolu chiyahosha haniyi nsañu.”