Chakuhosha Hakuhana Magazini

Kaposhi Kakutalila April–June

“Antu neyi ayihula nawu ashimuni muntu waya mpuhu nankashi mukuhanda kwawantu, amavulu atenaña Yesu. Anenu nawa mwatenaña Yesu? [Mulekenu yaakuli.] Talenu muloña wutwatelela kwiluka nsañu yaditadikishaña antu kutalisha hadi Yesu kulonda tudizi chalala. [Tañenu Yowanu 17:3.] Aka Kaposhi Kakutalila kadimena kanakushimuna chahosha Bayibolu hadi Yesu nintañishilu yindi.”

Awake! April

Tañenu Masamu 37:9-11. Kufumahu ihulenu nenu: “Munatoñojoki nenu kaayi kanateli kwikala ñahi neyi iyi yuma yishikijewa? [Mulekenu yaakuli.] Ichi chibaba chinakuhosha hawuprofwetu wakukolesha nawa chinalumbululi muloña wutwamwenaña yuma yatama mukaayi makonu.” Hoshenu hachibaba chinatachikili hefu 20.

Kaposhi Kakutalila April–June

“Nyikanda yikwawu yahoshaña nawu Yesu hafwili neyi chashimuna Bayiboluku, ilaña nawu wasumbwili nikuvwala nyana. Mwatiyahu dehi iyi nsañu? [Mulekenu yaakuli.] Kwiluka chalala hichuma chalema hama. [Tañenu Yowanu 17:3.] Ichi chibaba chinakushimuna yuma yaleteshaña kukuhwelela chahosha Bayibolu hadi Yesu.” Hoshenu hachibaba chinatachikili hefu 26.

Awake! May

“Antu amavulu afwilaña kuleka kunwa makanya, ilaña chayikalilaña. Komana mwelukahu muntu wakeñaña kuleka kunwa makanya? [Mulekenu yaakuli.] Amakwawu alekaña neyi ayikwasha kudi amabwambu hela antaña jawu. [Tañenu Mukwakutaŋisha 4:12a.] Iyi magazini yinashimuni jinjila jajiwahi jinateli kukwasha muntu kuleka kunwa makanya.”