Chakuhosha Hakuhana Magazini

Kaposhi Kakutalila April–June

“Chakadi nikujina antu amakwawu ayifutwishahu dehi kumuchima nayuma yahosheluwu hela yeliluwu. Chumanyi chimwatela kwila neyi ayifutwisha kumuchima? [Mulekenu yaakuli.] Talenu Bayibolu chiyatulejaña chakwila neyi atuhilisha. [Tañenu Matewu 18:21, 22.] Ichi chibaba chinakutuleja chitwatela kwanakena antu neyi chanakeneniyi Yesu kambanji kindi wumu.” Hoshenu hachibaba chinatachikili hefu 21.

Awake! May

“Komana munakutoñojoka nenu kukala kwamali kudi mukaayi keña kumani? [Mulekenu yaakuli.] Antu amavulu eluka wanyi nawu Bayibolu yinateli kutukwasha mumpinji yakala yamuchidiwu. [Tañenu nsona yidi muchibaba.] Ichi chibaba chinakushimuna kufumba kwamuBayibolu chikunateli kutukwasha kuumika hampinji yitudi mukukala kwamali.” Hoshenu hachibaba chinatachikili hefu 18.

Kaposhi Kakutalila April–June

Neyi mudihumañana nakansi, munateli kuhosha nenu: “Atwansi amavulu makonu chayikalilaña kwovwahila anvwali jawu. Munakutoñojoka nenu chachiwahi neyi anvwali ayila anyanawu nawu ayovwahileña? [Mulekenu yaakuli, kuhiñahu tañenu Aefwesesa 6:1.] Muniyi magazini mudi mpanji yinakushimuna kulema kwakwovwahila, hela tuhu Yesu Mwana kaNzambi, niyena wovwahilileña anvwali jindi hampinji yadiñayi hamaseki.” Hoshenu hachibaba chinatachikili hefu 30.

Awake! June

“Chinakumwekana neyi antu anakusweja kwakama nankashi muchihandilu. Anenu nawa dichimunakumona? [Mulekenu yaakuli.] Antu amavulu atoñojokaña nawu awa mazu ashimuna muloña waswejelañawu antu kwakamena. [Tañenu 2 Timotewu 3:1.] Iyi magazini yinakushimuna kwakamena chikwatuletelaña kukala. Yinakushimuna cheñi kufumba kunateli kutukwasha kubula kusweja kwakamena.”