Chakuhosha haKuhana Magazini

Kaposhi Kakutalila January–March

“Komana mwatoñojokaña nenu añelu ata muchima kuyuma yitwelaña? [Mulekenu yaakuli.] Bayibolu yahosha haniyi nsañu chachiwahi. [Tañenu Luka 15:10.] Ichi chibaaba chinakushimuna Yesu chahosheli kutalisha hayileñaleña yakuspiritu chiyatukwashaña.” Hoshenu hachibaaba chinatachikili hefu 16.

Awake! February

“Muloña wakwila Bayibolu himukanda wawukulu, antu amakwawu atoñojokaña nawu hiwahosha choloka hansañu yasayansuku. Indenu mwatoñojokaña nenudi? [Mulekenu yaakuli.] Antu amavulu ahayamaña hakuwana nawu Bayibolu yahosha muniyi njila. [Tañenu Isaya 40:22.] Chibaaba chinatachikili hefu 22 chinakuli lwihu lunakuhosha nawu, Komana nsañu yahosha hasayansi niyamuBayibolu yesekana?”

Kaposhi Kakutalila January–March

“Neyi ibwambu denu yofwisha muntu akeñayi, munatoñojoki nenu yumanyi yayiwahi yitwatela kuzata hakumina ñovu jetu hakwila nawu tumukwashi muntu wunafwishi? [Mulekenu yaakuli.] Chineli hitunateli kusañula afuku, muniyi magazini anatenumu yuma yitwatela kuzatila anafwishi haniyi mpinji yakala.” Tañenu Yishimu 17:17.

Awake! March

“Chineli antu amavulu anakuyekela nayikatu, tunakuyitañila iyi vasi yikuyikolesha. [Tañenu Isaya 33:24.] Neyi chumichi chinashikijewi dehi, munatoñojoki nenu chihandilu chikambukaku munjilanyi? [Mulekenu yaakuli.] Kudi njila jitwatela kulondela wejima wetu hakwila nawu twikali akola kumujimba kushika tuhu nimpinji yamba kashikijayi Nzambi chumichi. Iyi magazini yinalumbululi.”