Chikasha Chalwihu

◼ Komana twatela kulombela neyi tunakudizisha kadizi waBayibolu hanzi?

Chachiwahi nankashi kutachika nikukunkulula nakulombela hakudiza nakadizi waBayibolu. Neyi tulombela, twalombaña kulonda Yehova yatwinki spiritu yindi yajila hampinji yitunakuhanjeka. (Luka 11:13) Kulombelela kwamukwashaña kadizi kwiluka kulema kwakudiza Bayibolu nawa kwamudizishaña chakulombela. (Luka 6:40) Dichi chachiwahi kutachika kulombela namuntu wunakudiza Bayibolu chakubula kuumba mpinji. Hela chochu, chineli twadizilaña hamaluña ashiyashana, mukwakudizisha watela kwiluka neyi chakwila watela kulombela nakadizi waBayibolu hanzi.

Chuma chalema hikwiluka iluña dimunakudizila. Neyi munakudizila heluña datela kubula kuyimonawu antu, munateli kutachika nikukunkulula nakulombelela nakadizi imwadizaña nindi mpinji yejima. Neyi chakwila antu anakuhitañana heluña dimunakudizila nawa kadizi hakutiya kuwahaku, chikuwaha neyi mukuhembelela mpinji yimwakatachika kudizila heluña datela kubula kuyimonawu antu. Hichikweti muloña neluña ditunakudizilaku, twatela kutoñojoka chiwahi kulonda twiluki neyi twatela kutachika nakulombela.—Talenu Mudimu Wetu waWanta waChibemba waMarch 2005 ifu 4.