Chakwila

Hakutachika Kudizisha Antu Bayibolu Mposu Yatachi muOctober

“Kwesekeja nachahosha Bayibolu, kudi chuma chafuukwilayi Nzambi iseki. Komana mwadihulahu dehi chuma chafuukwilayi Nzambi iseki?” Mulekenu yaakuli. Kuhiñahu mwinkenu Kaposhi Kakutalila kaJuly-September, nawa hanjekenu hamu nsañu yidi hakamutu kanyanya kadi hefu 12 ninsona yimu yinatenuwu. Mwinkenu magazini, nawa shimunenu ifuku dimwakafuntilaku nakwakula lwihu lunahiñuhu.

Kaposhi Kakutalila July–September

Tañenu Masamu 37:10, 11. Kuhiñahu hoshenu nenu: “Komana munakutoñojoka nenu iyi yikaninu keña yishikijewi? [Mulekenu yaakuli.] Iyi magazini yinakuhosha hawuprofwetu wamuBayibolu wutanu nawumu wunakushikijewa makonu, wuprofwetu wunakumwekesha nawu walala wanichi chikaninu hiwudi kwakulehuku.”

Awake! October

“Tunakushimwina dalelu kulonda tukwashi yisaka. Kukalanyi kweneni kwamonañawu anvwali makonu hakwila nawu aleli anyana? [Mulekenu yaakuli.] Anvwali amavulu ashindamenaña hakufumba kwamuBayibolu. Chakutalilahu, awa mazu amawahi akwashanaña hakufumba anyana. [Tañenu Aefwesesa 4:31.] Iyi magazini yinakushimuna kufumba kwamuBayibolu chikunateli kukwasha anvwali kulela mwana kufuma kuwukeki nichikushikijayi muyaaka yawukampululu.”