Chakwila

Hakutachika Kudizisha Antu Bayibolu Mposu Yatachi muMay

“AkwaKristu amavulu ekala nachaaku chakupapatisha antu. Munatoñojoki nenudi? Komana chipapatishu chalema? [Mulekenu yaakuli.] Ichi chibaaba chinashimuni yikuma yayiwahi hama.” Kufumahu mwinkenu mwiniitala magazini yaKaposhi Kakutalila yaApril–June, nawa hanjekenu hamu nsañu yidi hamutu wanyanya wudi hefu 16 ninsona yimu. Mwinkenu magazini nawa loñeshenu kulonda mwakafuntiluku nakwakula lwihu lunalondeluhu.

Kaposhi Kakutalila April–June

“Antu atoñojokaña yuma yayivulu hadi Yesu. Amakwawu atoñojokaña nawu wadiña Mesiya akaninuwu. Amakwawu atoñojokaña nawu wadiña hohu muntu wamuwahi. Antu amakwawu niwena akuhwelela nawu hadiñikokuku. Indenu mwatoñojokaña nenudi? [Mulekenu yaakuli.] Kwesekeja naBayibolu chalema kwiluka nsañu yalala yahosha hadi Yesu. [Tañenu Yowanu 17:3.] Iyi magazini yinakushimuna ñakwilu yamuBayibolu kutalisha hamalwihu avula kwihula antu hadi Yesu.”

Awake! May

“Kwakwihi namuntu wejima wutunahoshi nindi amwilahu dehi katama. Munakutoñojoka nenu kutama kwamba kamana? [Mulekenu yaakuli.] Talenu iwu wuprofwetu wahosha hadi nyuuli wukamanisha kutama. [Tañenu Masamu 72:11-14.] Iyi magazini yinakuhosha hayikaninu yamuBayibolu yidi kwakwihi nakushikijewa.”