“Yuma Yimukwila Hakuhana Magazini mu . . .”

Kakweji nikakweji twekalaña nachibalu chaKupompa kwaMudimu chahoshaña hakuhana magazini. Iyi mpanji yekalañaku kulonda tuhituluki muyuma yidi mumagazini wanyi. Ilaña iyi mpanji yashindamena hakuhanjeka hayuma yakwila hakuhana magazini. Dichi, kwesekeja nanshimbi mana kwetu enkañawu iyi mpanji wahoshañahu mazu antesha akutachikilahu kulonda yasañumuni antu ahanjeki hamagazini. Kuhiñahu, wehulaña akwakushimwina jinjila jinaloñeshuwu hachibaaba chimu (hela yibaaba) hampinji yimu, kulonda ejima alondeli nikwiluka jinjila jikukeñawu kuzatisha. Chatela yehuli izaza dishimuni njila yejima yakuhaninamu, wayihulaña ashimuni jinjila jatela kuzatishawu hakwihula lwihu lukuleta ikoku kudi antu ninsona jatela kutañawu. Wakunkululaña kuhitila mukumwekesha yimwenu yikumwekesha chakuhana magazini ejima. Atukoleshaña kutañila chadimu mumagazini henohu kanda tuyi kukupompa nikudiloñesha kushimuna jinjila jitunaloñeshi kuzatisha. Neyi chakwila wonsu wetu tuloñesha chiwahi, ichi chibalu chikutukwasha kudihotola wumu namukwawu.—Yish. 27:17.