Yikwashenu ‘Akoli muChikuhwelelu’

Tunakuzañalala hakumona Yehova chinakukiswilayi mudimu wakupompesha antu nawa antu akubadika hankulakaji jiyedi namakumi atanu anakuyipapatisha hachaaka hachaaka. (Kuhit. 28:2) Neyi mukwakushimwina yakwasha kadizi yashika nihakupapatishewa, mukwakushimwina walekaña kudiza nindi nakutachika kudizisha acheñi. Kadizi niyena nateli kuleka kudiza kulonda yazateña nankashi mumudimu wakushimwina. Hela chochu, atudizi aBayibolu atela kwikala nachikuku chakola muchalala. Atela “kushimata” mudi Kristu ‘nikukola muchikuhwelelu.’ (Kol. 2:6, 7; 2 Tim. 3:12) Dichi, neyi kadizi napapatishewi dehi, watela kutwalekahu nakudiza Bayibolu sampu namanishi kudiza nyikanda yiyedi, Chatañishaña Bayibolu ‘niKukeña kwaNzambi.’—Talenu Mudimu Wetu waWanta waApril 2011, ifu 2.