Chakwila

Kudihi Kutunateli Kuwana Ñakwilu Yamalwihu Atukabishaña Nankashi?

Mwinkenu mwiniitala tilakiti kulonda yamoni mutu wuduhu, nawa hoshenu nenu: “Tudi mukampeni kamukaayi kejima kakushimwina iyi nsañu yalema. Iyi diyu tilakiti yenu.”

Neyi munakushiya tilakiti hamatala hakadi antu, yishiyenu heluña hanakumwekana nawa bayi muyivuña chatamaku.

Neyi mwiniitala yamwekesha mpwila hela kukeña kuhanjeka nenu, mwatela kumwihula yitoñojoka yindi hamalwihu adi hewulu datilakiti. Mubakwilenu tilakiti nakumuleja hansona yaMasamu 119:144, 160 chiyahosha. Mulumbulwilenu nenu iyi tilakiti yikweti nsañu yidi haWebu sayiti yinateli kuyikwasha kuwana ñakwilu yayiwahi yamuBayibolu. Neyi wudi nampinji, mutalishenu vidiyo yinakuhosha nawu Muloñadi Wutwatela Kudizila Bayibolu? Henohu kanda mumushiyi, mulejenu malwihu asatu adi kunyima yatilakiti nawa mwihulenu hanowu malwihu yayileji lwihu lunakukeña kwilukayi chikupu. Mulejenu nenu mwakafuntilaku kulonda mwakamuleji chakuwana ñakwilu yanolu lwihu muBayibolu kuhitila mukuzatisha Webu sayiti ya jw.org. Chimwakafuntilaku, mwakahanjeki nindi hakamutu kadi ha jw.org hanasonekuwu nawu NYIKANDA.

Neyi munakuhana cheñi yipapilu yakutambikilahu antu kukupompa kweluña, mwinkenu mwiniitala chipapilu nitilakiti nakumuleja nenu, “Tunayinki ichi chipapilu kulonda mwakenzi kukupompa kwawantu amavulu kwakekalaku, kwakadi kufwetesha.

Kaposhi Kakutalila August

Kunsa yanyilungu, neyi chinatwesheki hakuhana Kaposhi Kakutalila hoshenu awa mazu nenu: “Tunakukeña cheñi kuyinka magazini yetu yayiha. Akanu Kaposhi Kakutalila kanakuli lwihu lwakwila nawu, Komana Nzambi wayakamenaña?”

Awake! August

Kunsa yanyilungu, neyi chinatwesheki hakuhana Awake! hoshenu awa mazu nenu: “Tunakukeña cheñi kuyinka magazini yetu yayiha. Ayinu Awake! yinakuli lwihu lwakwila nawu, Indi antu anateli kwikala ñahi nakuwunda nawakwawu?”