Tunateli Kuhana “Yuma Yayiwahi” Kuhitila Mukutambwila Enyi (Mat. 12:35a)

Wonsu wetu twakeñaña chikupu kuhana “yuma yayiwahi” kudi akwetu kuhitila mukwikala ‘namuchima wakutambwila enyi.’ (Rom. 12:13) Aeluda ayileja kwikala akutalilahu mukuhana mali akwendela anhoshi enyi nikuyinka yakudya. Hela chochu, tukutachika kushintajala munsañu yakutambwila enyi muloña wakubula yuma hela tukutachika kwakama hansañu yakutambwila enyi kwitala detu. Ilaña neyi twanuka chamulejeluwu Mata kudi Yesu chikutukwasha kubula kutoñojoka muniyi njila. (Luka 10:39-42) Yesu wakonkomweneni nindi “chuma chasweja kuwaha” munsañu yakutambwila enyi hikuhanjeka nikudikolesha bayi yakudya yayivulu hela kwikala mwitala dinasweji kuwahishawuku. Neyi tukuzatisha iku kufumba, tunateli kuhana “yuma yayiwahi” kudi amanakwetu kwesekeja nachahosha Izu daNzambi.—3 Yowanu 5-8.