Zatishenu Ñovu Yezu daNzambi muMudimu Wenu Wakushimwina
Neyi muntu yatwiteja kuhanjeka nindi nsañu yayiwahi, twatela kuzatisha chiwahi iyi mpinji kulonda tuzatishi ñovu Yezu daNzambi kuhitila mukutaña nsona muBayibolu. Iyi nsañu ayikonkomweneni hakupompa kwefuku dadimena kwachaaka chinamani. Nkoñi wañinza wahanini mpanji yahosheleña nawu, “Zatishenu Ñovu Yezu daNzambi muMudimu Wenu Wakushimwina.” Munakwanuka yikuma yamaneni yitwadizili?
Muloñadi izu daYehova chidekalila nañovu chikupu kubadika mazu etu?—2 Tim. 3:16, 17.
Indi Bayibolu yasañumunaña ñahi antu kuhimpa yitoñojoka, kuwahisha yililu yawu nikuleka yaaku yatama?—Talenu Kaposhi Kakutalila kaJune 15, 2012, ifu 27, para. 7.
Neyi tunakumutañila muntu nsona hampinji yitudi mwiha, twatela kumwekesha ñahi netu twalemesha Izu daNzambi?—Talenu mukanda waNonkelenimo, ifu 148, mapara. 3-4 niMudimu Wetu waWanta waMarch 2013, ifu 6, para. 8.
Muloñadi chitwatela kulumbulwila nikuhanjeka hansona yitunatañi nawa twatela kwila ñahi mwenimu?—Yililu 17:2, 3; talenu mukanda waNonkelenimo, ifu 154, para. 4 kushika hefu 156, para. 5.