Chitwatela Kuhosha

KAPOSHI KAKUTALILA

Lwihu: Mwatiyahu dehi awa mazu aya mpuhu?

Nsona: Yow. 3:16

Hoshenu nenu: Akanu Kaposhi Kakutalila kanalumbululi chimunateli kuhetela mumakabi nikufwa kwaYesu.

KAPOSHI KAKUTALILA (ifu dakunyima)

Lwihu: Talenu ilu lwihu niñakwilu yavula kuhanawu antu. [Tañenu lwihu lwatachi niñakwilu yinashimunuwu.] Mukwakula nenudi?

Nsona: Mat. 4:1-4

Hoshenu nenu: Chineli Diyabolu wahosheli naYesu nikumweseka, dikwila nawu Diyabolu himuntu bayi neyi hichifwikija chayuma yatamaku. Yumanyi yikwawu yahosha Bayibolu hadi Diyabolu? Ichi chibaaba chinalumbululi nsañu yayivulu.

CHIPAPILU CHAKUTAMBIKA NACHU ANTU KUCHANUKISHU

Hoshenu nenu: Tunakuhana ichi chipapilu chakutambika nachu antu kuchidika chasweja kulema. [Mwinkenu mwiniitala chipapilu.] HaMarch 23, antu amavulu mukaayi kejima akapompa nakwanakana kufwa kwaYesu Kristu nawa akatiyilila kumpanji yaBayibolu yakahoshawu chakadi kufwetesha, yikalumbulula chitwahetelaña mukufwa kwaYesu. Ichi chipapilu chinakushimuna mpinji niiluña kwakekalila Chanukishu mwiluña detu. Mwani mwakenzi neyi mwakatwesha.

LOÑESHENU NSAÑU YIMUKUHOSHA

Zatishenu mutapu wudi muyakutalilahu yitunashimuni kulonda mwikali mudituñili njila yimukuzatisha mwiha.