Yoba Watwalekelihu Kwikala Washinshika niHampinji Yamakabi

Yoba washakamineña mwituña daUzi hampinji yadiñawu aIsarela muwuduñu muEjipitu. Hela chakwila Yoba wadina kaIsarela wanyi, wadiña mukwakudifukula waYehova washinshika. Wadiña nachisaka cheneni, waheta nawa amulemesheli muchituñilu. Wadiña mukwakuhana maana alemesheluwu nawa ihaku wakadi chaambu. Wadiña nakukwasha atuzweñi nianfwila. Yoba wadiña iyala washinshika.

1:8-11, 22; 2:2-5

Yoba wamwekesheli hatooka to-o nindi Yehova diyi Muntu walemesheliyi chikupu muchihandilu chindi

1:8-11, 22; 2:2-5

• Satana welukili kashinshi kaYoba. Welukili nindi Yoba wadiña wamwovwahila Yehova; ilaña wajinokeli chamuleñeleli Yoba yekali wovwahila

• Satana wahosheli nindi Yoba wamukalakelaña Yehova muloña wayuma yikwetiyi

• Hakwila Yehova yakuli lwihu lwehwiliyi Satana, wamwitejeli kuya nakumweseka Yoba washinshika. Satana waleteli yihuñu yamaneni muchihandilu chaYoba chejima

• Chelili Yoba yahembi kashinshi kindi, Satana wajinokeli kashinshi kawantu ejima

• Yoba havulumwini hela kumutwika Yehova muloñaku