Chakwila Kulonda Muhaneña Ñakwilu Yayiwahi

Ñakwilu yayiwahi yakoleshaña chipompelu. (Rom 14:19) Ninowu ayihanaña ahetelañamu. (Yis 15:23, 28) Dichi, twesekeña nañovu jejima kwakulahu hela kamu hakupompa. Hela chochu, bayi tukuhwelela netu mpinji yejima yitukwolola chikasa akutwinka kukooleka kwakwakulahuku. Dichi, chachiwahi kuloñesha ñakwilu yayivulu.

Ñakwilu yayiwahi yatela kwikala . . .

• yapela, yatiyakana nawa yayihi. Kakavulu, yatela kwikala hohu masekondi 30 nakufunta mwishina

• yatiyakana neyi mwakwila mumazu enu

• yakubula kufuntuluka munakuliwu dehi amakwawu

Neyi yenu munakutachikilahu kwakula . . .

• hanenu ñakwilu yapela yinesekani nalwihu

Neyi lwihu analwakuli dehi, mwatela . . .

• kutala nsona yidimu chiyinesekani nachikuma chimunakuhanjekahu

• kushimuna oyu nsañu chiyinateli kutukwasha muchihandilu

• kulumbulula chimunateli kuzatisha oyu nsañu

• kulumbulula muwihi yuma yamwekeni yinalumbululi chikuma