“Yamonu, Ntemeshami!”

Twatela kwimbujola muchima wakudihana wadiña naIsaya. Wamwekesheli chikuhwelelu nikwiteja kuya kwadiña kukaankila, hela chakwila welukili wanyi yuma yejima kwayileñayi. (Isa 6:8) Komana munateli kuhimpa chihandilu chenu kulonda muyi nakuzatila kudi kukaankila kwawakwakushimwina aWanta? (Mas 110:3) Kafwampi, mwatela “kuchinda mali” imwatela kuzatisha oku kumukuya. (Luk 14:27, 28) Dichi, ikalenu namuchima wakudihana kuzata mudimu wakushimwina. (Mat 8:20;Mak 10:28-30) Neyi chashimunawu muvidiyo yaMoving to Serve Where the Need Is Greater, nkisu yafumaña mukumuzatila Yehova yabadika chikupu yuma yejima yinateli kwilayi muntu.

NEYI MUNATALI DEHI VIDIYO AKULENU AWA MALWIHU:

• Yumanyi yeliliwu antu amuchisaka chamanakwetu William hakwila ayi nakuzatila kuEcuador?

• Yumanyi yeliliwu hakwila atondi kwakuya nakuzatila?

• Yumanyi yayiwahi yafuminimu?

• Kudihi kumunateli kuwana nsañu jajivulu jahosha hakuzatila kudi kukaankila kweneni?

HAMPINJI YIMWAKADIFUKULAÑA KUDIFUKULA KWACHISAKA, KAHANJEKENU HANAWA MALWIHU:

• Tunateli kukalakala ñahi chikupu mumudimu wakushimwina hamu neyi chisaka? (km 8/11 4-6)

• Neyi tukañanya kuya nakuzatila kudi kukaankila kweneni, jinjilanyi mutunateli kukwashila chipompelu chetu? (w16.03 23-25)