Shikola yaWanta Yamanishaña Chaambu Chekowa

Yehova hekala nachaambuku. (Yil 7:34, 35) Wetejaña antu “akunyuza yejima, kunyichidi yejima, akumatuña ejima niakumadimi ejima.” (Chi 7:9) Dichi muchipompelu chawakwaKristu himwekala chaambu chekowa hela kuditala kumesuku. (Yak 2:1-4) Twasakililaña hamashikola aWanta, mutwadiluñishaña paradisa yakuspiritu mutunakumona antu anakuhimpa yilwilu yawu. (Isa 11:6-9) Chitwazataña nañovu hakufumisha yilwilu yatama yachaambu chekowa munyichima yetu, twamwekeshaña netu tunakumwimbujola Nzambi.—Efw 5:1, 2.

TALENU VIDIYO YAJOHNY AND GIDEON: ONCE ENEMIES, NOW BROTHERS. KUHIÑAHU AKULENU AWA MALWIHU:

• Muloñadi shikola yaWanta chiyekalila nañovu yakufumishahu yilwilu yachaambu kubadika antu?

• Yumanyi yayitiyishaña kuwaha hakwikala nawamanakwetu amukaayi kejima?

• Indi Yehova amulemeshaña ñahi neyi tutwalekahu kwikala akwaKristu anuñañana?