Komana Mwakuhwelela Chikupu Yuma Yakanayi Yehova?

Yoshuwa niSolomoni etejeli chikupu nawu kwosi izu nidimu dahosheliyi Yehova dabulili kushikijewa. (Yos 23:14; 1 An 8:56) Wunsahu wahosheliwu awa ayinsahu ayedi alumbuluka watukwashaña kwikala nachikuku chakola hitwatela kukoleshela chikuhwelelu chetu.—2Ko 13:1; Tit 1:2.

Yehova washikijili ñahi yikaninu yindi mumafuku aYoshuwa? Talenu vidiyo ‘yaKwosi Izu Nidimu Dinakañanyuku.’ Kuhiñahu hanjekenu hanawa malwihu: (1) Munateli kwimbujola ñahi chikuhwelelu chaRahaba? (Heb 11:31; Yak 2:24-26) (2) Yuma yakoñeliyi Akani yamwekeshaña ñahi nawu kwila yuma mumushikila mwafumaña yuma yatama? (3) Hela chakwila amayala akuGibiyona adiña ayilombu, muloñadi chamudimbililiwu Yoshuwa nawu akwati chitiyañenu chakuwunda nawaIsarela? (4) Indi Izu daYehova dashikijeweli ñahi chelili anyanta atanu awa Amori ayitiyishi aIsarela woma? (Yos 10:5-14) (5) Indi Yehova nayikwashi ñahi hampinji yimunakutwamijaku Wanta windi nikuloña kwindi muchihandilu chenu?—Mat 6:33.

Tukukuhwelela chikupu netu yuma yakanayi Yehova yikamwekana neyi tutoñojoka hayuma yeliliyi, yinakwilayi niyakelayi.—Rom 8:31, 32.