Muloñadi Chimwalemeshela Kudifukula Kwalala?

Chimwenu chatembeli chamweniyi Ezekeli chayikolesheli aYudeya adiña muwunkoli nawa chayikwashili kukuhwelela nawu kudifukula kwalala akakufuntisha. Munanu mafuku akukuminina, kudifukula kwalala ‘kunashimati dehi hewulu damapidi,’ nawa tudi hakachi kawantu anafumi kunyunza anapompi kweniku. (Isa 2:2) Komana mwatoñojokaña mpinji yejima hakukooleka kumukweti kwakumwiluka Yehova nikumukalakela?

YUMA YAYIWAHI YEKALA MUKUDIFUKULA KWALALA:

• 

  Tukweti yakuda yayivulu yakuspiritu yatukwashaña kwakula malwihu akala muchihandilu, yatukwashaña chitunateli kuhanda nikuchiñeja.—Isa 48:17, 18; 65:13; Ro 15:4

• Tukweti amanakwetu akweti kukeña mukaayi kejima.—Ms 133:1; Ywn 13:35

• Tukweti kukooleka kwakwikala akakukalakala hamu naNzambi.—Yil 20:35; 1Ko 3:9

• Tukweti “Kuwunda kwaNzambi” kwatukwashaña hampinji yitwamonaña makabi.—Fwp 4:6, 7

• Tukweti chinleji chamuchima chitooka.—2 Ti 1:3

• Tukweti kukooleka kwakwikala ‘nawubwambu naYehova.’—Ms 25:14

Nateli kumwekesha ñahi nami nalemesha kudifukula kwalala?