Twalekenuhu Kumuhameka Yehova!

Wumi hichawaana chalema nankashi. Chitwachizatishaña ichi chawaana chamwekeshaña neyi twasakilaña hanichi chawaana hela nehi. Etu aYinsahu jaYehova, twafwilaña kuzatisha waana wutukweti niñovu jetu kulonda tumulemeshi Yehova, Mukwakuhana Wumi. (Ms 36:9; Chi 4:11) Hela chochu, yuma yitwakamenaña muchihandilu mukanu kaayi katama, yinateli kutuletesha tubuleña kusha maana kuyuma yakuspiritu. (Mak 4:18, 19) Wejima wetu twatela kudihula netu: ‘Inakumuzatila Yehova hakumina ñovu jami? (Hos 14:2) Komana nalemesha mudimu kubadika yuma yakuspiritu? Yumanyi yakuspiritu yinafwilaña kwila? Yumanyi yinatela kwila kulonda nidikiteña chikupu mumudimu wakushimwina?’ Neyi hadi hanakukeña kuzatilahu, lombenu kudi Yehova kulonda yayikwashi muzatilihu. Chakadi nikujina, kumushimeka Yehova mpinji yejima kwaletaña muzañalu muchihandilu!—Ms 61:8.

TALENU VIDIYO YAZATISHENU WAANA WENU KUMUHAMEKA YEHOVA, KUHIÑAHU AKULENU MALWIHU ANALONDELIHU:

• Muloñadi chichikutamina kuzatisha waana wenu mukaayi kaSatana? (1Yo 2:17)

• Antu amwinkaña Yehova yuma yawu yayiwahi atambwilaña nkiswinyi?

• Waana wenu ninyidimu yimwadiza munateli kuyizatishila kunyidimwinyi yajila?