CHATELA KUSHAKAMAWU AKWAKRISTU
Kushimwina niKudizisha Kwalema Hakwilisha Atumbanji
Yesu walejeli atumbanji twindi kuya nakwilisha atumbanji. (Mat 28:19) Kwilisha atumbanji kwabombelamu kushimwina nikudizisha. Mpinji yejima twatela kudihulaña netu, ‘Nateli kuwahishaku ñahi njila yami yakushimwinamu hakwilisha atumbanji?
KUSHIMWINA
Twatela kuzata nañovu kukeñakeña antu ‘atelela,’ chatela tuhembeleleña antu netu enzi. (Mat 10:11) Neyi tunakushimwina, komana twekalaña adiloñesha kushimwina kudi antu ‘awanikaña’? (Yil 17:17) Chineli kapostolu Pawulu wazatili nañovu mumudimu wakushimwina, Lidiya wekalili kambanji.—Yil 16:13-15.
“Habudidi tumbaña mbutu jeyi nihamelela bayi wulekesha chikasa cheyuku” (Mkw 11:6)
VUMISHENU VIDIYO YATWALEKENUHU KUSHIMWINA ‘CHAKADI KULEKA’ —WUNSAHU WAMUMPANJI NIKWITALA NIKWITALA, KUHIÑAHU AKULENU MALWIHU ANALONDELIHU:
Samuel wamwekesheleña ñahi nindi wadiña wadiloñesha kutumba mbutu yachalala mpinji yejima?
Muloñadi chitwatelela kutwalekelahu kuzatisha njila jejima jakushimwinamu?
Anyi imwatela kushimwinaku nsañu yaWanta kwejima kumudi?
KUDIZISHA
Hakwila nawu twilishi atumbanji, hitwatela kuyinkaña hohu antu nyikandaku. Ilaña twatela kufuntilañaku nakuyidizisha Bayibolu kulonda ekali nawubwambu wawuwahi naNzambi. (1Ko 3:6-9) Indi neyi tunazati nañovu kudizisha muntu chalala chaWanta ilaña nakuyilaku wanyi hambidi? (Mat 13:19-22) Twatela kutwalekahu kukeñakeña antu adi nanyichima yindi neyi ‘maseki amawahi.’—Mat 13:23; Yil 13:48.
“Ami natumbili, Apolosi watukumwinini, ilaña Nzambi diyi wayikulishileña” (1Ko 3:6)
VUMISHENU VIDIYO YATWALEKENUHU KUSHIMWINA ‘CHAKADI KULEKA’—KUDI ANTU AMAVULU NIKWILISHA ATUMBANJI KUHIÑAHU AKULENU MALWIHU ANALONDELIHU:
A Solomon naMary atukumwinini ñahi mbutu yachalala mumuchima waEzekiel naAbigail?
Chumanyi chitwakeñeshaña nankashi neyi tunakushimwina?
Tunateli kusha ñahi maana hamudimu wakudizisha antu chalala?