“Chuma Chinabombiyi Nzambi Hamu . . . ”

Lushimbi lwaMosi lwahosheli nawu neyi iyala nakukeña kuseña ñodindi watela kusoneka mukanda wakumuseñelahu. Chumichi chakañesheleña antu kutemukila kudiseña. Hela chochu, mumafuku aYesu, akulumpi jansakililu apelesheli lushimbi lwahosheleña hakudiseña. Amayala aseñeleña añodi jawu hamuloña wudi wejima. (nwtsty nsañu yakudiza yidi haMak 10:4, 11) Yesu wakonkomweneni nindi Yehova diyi washiliku ntanjikilu yawulu. (Maku 10:2-12) Iyala nimumbanda adi kutwalekahu kwikala “mujimba wumu.” Nsona yeteja hohu antu kudiseña hamuloña “wawuvumbi” neyi chahosha mukanda waMatewu.—Mat 19:9.

Kufwana aFwarisi, antu amavulu makonu hiyalemesha wulu neyi chawilemesheliyi Yesuku. Neyi kumwekana kukala, antu mukaayi atemukilaña kudiseña. Ilaña akwaKristu adisumbula, alemesha chikaninu chawu chawulu, nawa azataña nañovu kumanisha kukala kuhitila mukuzatisha yishina yamuBayibolu. Hanyima yakutala vidiyo yaKukeña niKalemesha Kwanuñañeshaña Yisaka, akulenu malwihu analondelihu:

• 

  Munateli kuzatisha ñahi Yishimu 15:1 muwulu wenu, nawa chalemenadi?

• Munateli kutondolwela ñahi kukala kuhitila mukuzatisha Yishimu 19:11?

• Neyi mudi nakukala muwulu wenu, chatela mutoñojokeña nenu, ‘Tudiseñi?’ malwihwinyi imwatela kutoñojokahu?

• Matewu 7:12 yinateli kuyikwasha ñahi kwikala iyala hela mumbanda wamuwahi?