Londelenu Chikupu Muntampu jaKristu

Yesu welili yuma yitwatela kwimbujola, sweje-e neyi tudi mukweseka hela anakutukabisha. (1Pe 2:21-23) Hela chakwila Yesu amutukili, hayifuntishileñamuku, nihampinji yamuyandishileñawu. (Mak 15:29-32) Chumanyi chamukwashili kuumika? Wadikasili mumuchima kwila nkeñelu yaYehova. (Ywn 6:38) Washili maana ‘hamuzañalu wamuloñesheleliwu kumbidi.’—Heb 12:2.

Twelaña ñahi neyi atwila chatama muloña wachikuhwelelu chetu? AkwaKristu alala afuntishaña wanyi “katama nakatama.” (Rom 12:14, 17) Neyi twimbujola Kristu chomikileñayi makabi, tukwikala namuzañalu muloña tukwikala nawubwambu wawuwahi naNzambi.—Mat 5:10-12; 1Pe 4:12-14.

TALENU VIDIYO YINAKWILA NAWU IJINA DAYEHOVA DALEMA NANKASHI, KUHIÑAHU AKULENU MALWIHU ANALONDELIHU:

• Amuhela Poetzingera azatishili ñahi chiwahi mpinji hadiñawu mukaleya?

• Kukalanyi kwomikili aManakwetu niMuhela Pötzinger hampinji yadiñawu muyilombu yakuyandishila?

• Chumanyi chayikwashili kuumika?