YUMA YALEMA YAMWIZU DANZAMBI | LUKA 8-9
Twatela Kwiladi Hakwikala Akwakumulondela?
Hakwila nawu nyindoñolu yoloki chiwahi, mukwakudima napulawu watela kutala hanyima wanyi. Munjila yoyimu, mukwaKristu hatela kuluwankana nayuma yamukaayi yashiliyi kunyimaku.—Fwp 3:13.
Neyi tumona kukala, tunateli kutachika kutoñojoka ‘mpinji yitunakumona netu yuma yadiña chiwahi,’ hadaha mafuku akunyima henonu kanda twiluki chalala. Neyi twila mwenimu, tukutachika kuhosha netu twadiluñishileña nankashi nawa tukuvulamenaku kukala kwamwekeneña. Dichuma cheliliwu aIsarela hanyima yakufuma muEjipitu. (Kuc 11:5, 6) Neyi tutoñojokaña haniyi yuma, tunateli kufunta kuyuma yitwashili kunyima. Dichi twatela kutoñojoka hankisu jitunakutambwila nijitukatambwila kumbidi muWanta waNzambi!—2Ko 4:16-18.