Anukenu Ñoda Loti

Ñoda Loti watalilidi hanyima hatemukileñawu kufuma muSodoma? Bayibolu hiyashimunaku. (Kut 19:17, 26) Mazu ahosheliyi Yesu mwekala kusoñamisha kwamwekeshaña nawu watela watoñojokeleña hayuma yashiliyi kunyima. (Luk 17:31, 32) Tunateli kutondolwela ñahi kujimbesha wubwambu wetu naNzambi neyi ñoda Loti? Hitwatela kutwamijaku maheta muchihandilu chetuku. (Mat 6:33) Yesu wahosheli nindi “Himunateli kukalakela Nzambi hampinji yoyimu niMahetaku.” (Mat 6:24) Twatela kwiladi neyi tumona netu tunatachiki kusha maana kumaheta kubadika yuma yakuspiritu? Twatela kumulomba Yehova yatwinki kashinshi kakwiluka mutwatela kuhimpa nikutukwasha kwikala ahamuka niñovu yakuhimpa.

ANUKENU VIDIYO YAYIBALU YISATU YAANUKENU ÑODA LOTI, KUHIÑAHU AKULENU MALWIHU ANALONDELIHU:

• 

  Indi ikakeja dakufwila maheta dahimpili ñahi yitoñojoka, nhoshelu niyilwilu yaGloria?

• Muloñadi nsañu yahosha hadi ñoda Loti chiyekalila yakusoñamisha makonu?

• Kuzatisha kufumba kwamuBayibolu kwamukwashili ñahi Joe nichisaka chindi?

• Anna amuluwañesheli ñahi kudi akwawu kumudimu?

• Muloñadi chitwatela kwikalila ahamuka neyi anakutukakeja kufwila mali?

• A Brian naGloria atachikili ñahi cheñi kusha maana kuyuma yakuspiritu?

• Kufumbanyi kwamuBayibolu kumwamona muniyi vidiyo?