Mwamonaña Yilwilu yaNzambi Yabulaña Kumwekana?

Neyi mumona wulombu wankenu, tutumbwa hela mpola, mwatoñojokañadi hanyidimu yaNleñi? Yileñaleña yamwekesha yilwilu yaYehova yabulaña kumwekana. (Rom 1:20) Neyi tushinshika yuma yitwamonaña namesu, tunateli kumona ñovu yaNzambi, kukeña, maana, wuñanji nichisambu.—Ms 104:24

Yumanyi yaleñayi Yehova yimwamonaña ifuku dejima? Hela chakwila mwashakamaña mutawuni, munateli kumona tujila hela nyitondu. Kushinshika chiwahi yileñaleña yaYehova kunateli kutukwasha kubula kwakaama, kubula kusha maana hakukala kutukweti nikumuhwelela Yehova netu nateli kutukwasha mpinji yejima. (Mat 6:25-32) Neyi mukweti anyana, yikwashenu eluki yilwilu yaYehova yabadika. Neyi tutwalekahu kushinshika yuma yaleñayi, tukuswina kwakwihi naNleñi.—Ms 8:3, 4.

TALENU VIDIYO, YILEÑALEÑA YAMWEKESHAÑA KULEMA KWANZAMBI—CHEJEJI NIWULOMBU, KUHIÑAHU AKULENU MALWIHU ANALONDELIHU:

• Mapigimenti (pigments) atukwashaña ñahi kumona wulombu?

• Yumanyi yaleteshaña kansuluñunda?

• Yumanyi yatukwashaña kumona wulombu washiyashana mululwizu?

• Yileñaleñanyi yekala nawulombu wumwakeña?

• Muloñadi chitwatelela kushinshika yileñaleña?