Yehova Wukutiya Ñahi?

Henohu kanda tufuukuli muyuma yidi yejima, komana twadihulaña netu ‘Yehova wukutiya ñahi?’ Hela chakwila hitwamba keluka yuma yejima yatoñojokañayi Yehovaku, watuleja yuma yayivulu Mwizu dindi yinateli kutukwasha kudiloñesha kuzata “nyidimu yayiwahi yejima.” (2 Ti 3:16, 17; Rom 11:33, 34) Yesu welukili nkeñelu yaYehova nawa dichuma chalemesheliyi. (Ywn 4:34) Tukumwimbujola Yesu neyi tufuukulaña yuma yinateli kumutiyisha Yehova kuwaha.—Ywn 8:28, 29; Efw 5:15-17.

TALENU VIDIYO YA ILUKENUÑA CHIDI NKEÑELU YAYEHOVA (LEV 19:18), NAWA AKULENU MALWIHU ANALONDELIHU:

• Muloñadi chitwatela kuzatishila yishina yamuBayibolu?

• Yishinanyi yamuBayibolu yinateli kutukwasha kutonda tumina?

• Yishinanyi yamuBayibolu yikutukwasha kutonda yakuvwala nimmwekenu yetu?

• Yumanyi yikwawu mutunateli kuzatishila yishina yamuBayibolu?

• Yumanyi yitwatela kwila hakwila twilukeña nkeñelu yaYehova?