Imanenu Zo Chinakwinza Kukuma

CHICHALEMENA: Katataka kumwekani yuma yakuhayamisha yikukeñekaña etu kumwekesha kuhamuka nikumukuhwelela Yehova kubadika yinu mpinji. Lukadi lwasweja lukatachika neyi nsakililu yakutwamba anayijilumuni dehi. (Mat 24:21; Chi 17:16, 17) Hayina mpinji, tukashimwinaña nsañu yawunsompeshi nakuhamuka. (Chi 16:21) Akatulukuka kudi Gogi wakuMagogi. (Eze 38:10-12, 14-16) Hakutwamwina, Yehova wakaleta “[njita] yefuku deneni daNzambi Wañovu Jejima.” (Chi 16:14, 16) Hakwila tukekali ahamuka haniyi mpinji, chinakukeñeka kutwalekahu kwikala ashinshika neyi chikuhwelelu chetu anacheseki chayinu mpinji.

YUMA YIMWATELA KWILA:

• Twalekenuhu kunlondela nshimbi jaYehova.—Isa 5:20

• Twalekenuhu kudifukula nawakwenu akwaKristu.—Heb 10:24, 25

• Ovwahilenuña wunlomboli kufuma mukuloñesha kwaYehova.—Heb 13:17

• Toñojokenu Yehova chamwinineñayi antu jindi kunyima.—2Pe 2:9

• Lombenu kudi Yehova nawa mukuhwelelenu.—Ms 112:7, 8

TALENU VIDIYO YAYUMA YIKAMWEKANA KUMBIDI YIKAKEÑEKA KWIKALA AHAMUKA—KACHIBALU, NAWA AKULENU MALWIHU ANALONDELIHU:

• 

  Akwakushimwina chayikalilili ñahi kwovwahila hampinji yabombeliwu chipompelu mwayileñawu nayipompelu yikwawu?

• 

  Tunateli kwikala ñahi ahamuka neyi twikala ovwahila?

• 

  Muloñadi chichakakeñekelaña kwikala ahamuka neyi Amagedoni yinenzi?

• 

  Nsañwinyi yamuBayibolu yinateli kutukwasha kukolesha chikuhwelelu chetu nikwiluka netu Yehova nateli kutwamwina?—2Ku 20:1-24