Hembenu Wulu Wenu

Yehova walemesha chikaninu chadikanañawu eyala namumbanda. Wahosheli nindi iyala nimumbanda hiyatela kudambulaku. (Mat 19:5, 6) Antu jaNzambi amavulu akweti wulu wawuwahi. Hela chochu, kwosi wulu wawaninaku. Kukala kwenzaña. Bayi twikala nayitoñojoka yinavuli yakwila nawu kudambula nikudiseña diyi njila yakumanishilamu kukalaku. Indi akwaKristu adisumbula anateli kuhemba ñahi wulu wawu?

Talenu iyi yuma yitanu yalema.

1. Hembenuña muchima wenu kuhitila mukutondolwela wusensi niyisela yawuvumbi, yuma yinateli kukisañana wulu.—Mat 5:28; 2Pe 2:14.

2. Koleshenu wubwambu wenu naNzambi nawa muzañaleshenuña muwulu wenu.—Ms 97:10.

3. Vwalenuña wuntu wawuha nikwila yuma yikumuzañalesha mwinikwenu.—Kol 3:8-10, 12-14.

4. Dilemeshenuña nawa hanjekenuña chiwahi.—Kol 4:6.

5. Dinkenuña yuma yakeñekaña muwulu munjila yakukeña bayi kudikanjikijaku.—1Ko 7:3, 4; 10:24.

Neyi akwaKristu adisumbula alemesha wulu, dikwila nawu anakulemesha Ntachiki yawulu, Yehova.

TALENU VIDIYO YINAKWILA NAWU, TWATELA ‘KUTEMUKA NAKUUMIKA’​—OVWAHILENU NSHIMBI YACHISELA, NAWA AKULENU AWA MWALWIHU:

• 

  Hela wulu wukutachika chiwahi, kukalanyi kunateli kumwekana?

• 

  Yishina yamuBayibolu yinateli kukwasha ñahi antu anakutoñojoka nawu muwulu wawu mwosi muzañalu?

• 

  Nshimbinyi yayinkayi Yehova antu adi muwulu?

• Yumanyi yatela kwilawu adisumbula kulonda wulu wikali chiwahi?