CHATELA KUSHAKAMAWU AKWAKRISTU
Kupompa kwahaChaaka, hiNjila Yakumwekeshelamu Kukeña
Muloñadi chitwadiluñishilaña kupompa kwahachaaka? Neyi chichadiña nawaIsarela, makonu iku kupompa kwatukwashaña kudifukula kudi Yehova nawakwetu akwakwitiya amavulu. Twadaña yakuda yakuspiritu yayiwahi. Twekalaña cheñi hamu nawantaña niamabwambu. Hamuloña wakumwekesha kusakilila, twapompaña mafuku ejima asatu.
Neyi tunakupompa, twatela kutoñojoka hayuma yinateli kutukwasha nichitunateli kumwekesha kukeña kudi akwetu. (Ñal 6:10; Heb 10:24, 25) Tukumwekesha netu twayikeña akwetu neyi tuyenzunwina kuchiisu amanakwetu hela ahela hela kuhemba hohu yitwamu hitukushakama. (Fwp 2:3, 4) Kupompa kwatukwashaña kwikala nawamabwambu amakwawu. Henohu kupompa kanda kutachiki nihanyima yakupompa hela hachayili, twatela kwikala nampinji yakuhanjeka nawantu itwabula kwiluka. (2Ko 6:13) Wubwambu wutwakwataña haniyi mpinji watwalekañahu. Sweje-e, neyi antu amona chitwadikeña, hadaha akutachika kumukalakela Yehova.—Ywn 13:35.
TALENU VIDIYO YINAKWILA NAWU, “KUKEÑA HIKWAMANAÑAKU”! KUPOMPA KWAMATUÑA, NAWA AKULENU AWA MALWIHU:
Antu enjili kukupompa kwamatuña mu 2019 ayimwekesheleli ñahi kukeña?
Kunuñañana nikukeña kwawantu jaYehova kwalemenadi?
Yilwilwinyi yakukeña yashimwiniwu amamembala aMwizanvu Dalombolaña?
Munateli kumwekesha ñahi kukeña kwekalaña hakupompa kweneni?
Kukeña kunayinuñañeshi ñahi amanakwetu muGermany nimuSouth Korea?
Chumanyi chitunakufwila kwila?