Tondenuhu Kumukalakela Yehova

Neyi mudi mukwaKristu wabula kupapatishewa hela kadizi waBayibolu, munakukeña kupapatishewa? Munakukeñeladi kupapatishewa? Kudihana kwenu nikupapatishewa diyi ntachikilu yawubwambu wenu naYehova. (Ms 91:1) Kunateli cheñi kutupulwisha. (1Pe 3:21) Munateli kwila ñahi kulonda mwileña iyi yuma?

Kuhwelelenu nenu ichi dichalala. Sandujolenu muwani ñakwilu yamalwihu imukweti. (Rom 12:2) Ilukenu yuma yimunakukeña kuhimpa nawa yilenuña kulonda mumuzañalesheña Yehova. (Yis 27:11; Efw 4:23, 24) Mulombenuña kulonda yayikwasheña. Kuhwelelenu nenu Yehova wukuyikoleshaña nikuyikwasha naspiritu yindi yajila. (1Pe 5:10, 11) Neyi muzata nañovu yuma yikuyiwahilaña. Kumukalakela Yehova dichuma chalema nankashi.—Ms 16:11.

TALENU VIDIYO YINAKWILA NAWU, YUMA YALETESHAÑA KUPAPATISHEWA, NAWA AKULENU AWA MALWIHU:

• Kukalanyi kwashindiliwu amakwawu hakwila apapatishewi?

• Munateli kwikala ñahi nachikuhwelelu chinateli kuyikwasha kulonda mudihani kudi Yehova?

• Chumanyi chinaleteshi amakwawu kushikahu kupapatishewa?

• Yehova wayikiswilaña ñahi antu atondañahu kumukalakela?

• Kudihana nikupapatishewa kwatalisha mudihi?